Nunat tamalaat akornanni aalajangersakkat isumaqatigiissutillu

Avatangiisinik mingutsitsineq nunat killeqarfii apeqqutaatinnagu pisarmat ungasissumullu siaruaassinnaalluni Naalakkersuisoqarfiup suleqatigai nunat tamalaat nunallu immikkoortuini oqallittarfiit, Kalaallillu Nunaata avatangiisinut tunngasut arlallit pillugit isumaqatigiissutit ilaaffigai.

Isumaqatigiissut tassaasarpoq naalagaaffiit marluk amerlanerilluunniit isumaqatigiissutigisartagaat. Naalagaaffik isumaqatigiissummut pituttorneqassappat piumasaqaataavoq naalagaaffiup isumaqatigiissut atsiorsimassagaa. 

Kalaallit Nunaata avatangiisit pillugit isumaqatigiissutit aalajangersakkallu peqataaffigalugit atsiornikuusai:

  • Umiarsuit mingutsitsisarnerisa pitsaaliorneqarnissaat pillugu nunat tamat isumaqatigiissutaat  (MARPOL)
  • Avatangiisit illersorneqarnissaat pillugu Nunat avannarliit isumaqatigiissutaat
  • Londonimi isumaqatigiissut Eqqakkanik taakkuninngalu akuusinnaajumaartunik allanik eqqaanermi imaani mingutsitsisoqarneranik akiuiniarneq pillugu isumaqatigiissut
  • Killeqarfiit qaangerlugit silaannarmik mingutsitsineq pillugu isumaqatigiissut (LRTAP-isumaqatigiissut)
  • Uuliaarluarneq pillugu isumaqatigiissut CANDEN
  • Ozonip illersoqarnissaa pillugu Wien-imi isumaqatigiissut
  • Eqqakkanik ulorianartunik killissamik qaangiilluni assartuinerup taakkunanngalu eqqaanerup nakkutigineqarnissaa pillugu isumaqatigiissut Basel pillugu isumaqatigiissummik taaneqartartoq
  • Uuliamik mingutsitsinermut tunngatillugu upalungaarsimanissaq, akiuinissaq suleqatigiinnissarlu pillugit isumaqatigiissut (OPCR pillugu isumaqatigiissut)
  • Atlantikup Avannaata Kangiani imaani avatangiisit illersorneqarnissaat pillugu isumaqatigiissut. (OSPAR pillugu isumaqatigiissut)
  • Naalagaaffiit Killeqarfii Akornutiginagit Avatangiisinik Sunniisarnerit Nalilersorneqartarneri pillugit isumaqatigiissut (ESPOO pillugu isumaqatigiissut)
  • Københavnimi isumaqatigiissut uuliaarluertoqarnerani upalungaarsimaneq pillugu.