Aalisakkerivimmit eqqagassanik igitsinissamut qinnuteqaat

Aalisakkanik tunisassiornermi aalisakkeriviit eqqagassarisarpaat aalisakkat ilormiui, niaqui assigisaallu. Aalisakkanit eqqagassat allanut atorneqartarnissaat Naalakkersuisut sulissutigaat, taamaaliornikkut aalisakkanit eqqagassat sapinngisamik minnerpaaffimminiitinnissaat anguniarlugu. 

Naalakkersuisut aalisarnermit piniarnermillu eqqagassat uumasuneersut iginnissaannut akuersissuteqarsinnaapput.  Eqqaanissamut akuersissut tigusisussat nalilersoreerlugit nalunaarutigineqartassaaq. Aalisakkanit eqqaanissamut akuersissutip ilagai mingutsitsinerup minnerpaaffianiitinnissaanut piumasaqaatit arlallit. Akuersissummi assersuutigalugu eqqagassat annerpaaffissaat, sumut iginneqarnissaat tunisassiornermullu piumasaqaatinut sinaakkutissanik Naalakkersuisoqarfik aalajangersaasinnaavoq.

Eqqaanissamut akuersissut allakkatigut qinnutigineqassaaq. Qinnuteqartoq akuersissummut apeqqutit akiortornerisigut allakkatigut qinnuteqarsinnaavoq qinnuteqarnissamut immersugassaq atorlugu.

Aalisakkanit eqqagassanik igitsinissamut akuersissummik qinnuteqartoqarsinnaavoq Pinngortitamut Avatangiisinullu Naalakkersuisoqarfimmut:   

Pinngortitamut Avatangiisinullu Naalakkersuisoqarfik 
pan@nanoq.gl  
Postboks 1614
3900 Nuuk

Qinnuteqaat tiguneqariarpat qinnuteqartoq nalunaarfigineqassaaq kina qinnuteqaammik suliarinnittuunersoq pillugu.