Imaani isumannaallisaaneq


Umiartorneq sulinermut sunngiffimmullu pingaarutilinnut ilaavoq. Taamaattumik ukiuni arlaqalersuni Namminersorlutik  Oqartussat attaveqarnermut immikkoortortaqarfiata paasititsiniaaneq ingerlappaa, tassani ukkanneqassaaq, akisussaassuseqartumik umiartorneq qanoq paasisariaqarnersoq.

Imaani isumannaatsuunissamut paasisitsiniaanermut siunertarineqarpoq immakkut angalanermut atatillugu navianarsinnaasut immakkut angalasunut sianiginiaqqullugit. Ajunaarnerit ukiut tamaasa nuanninngitsumik naggateqartut pisarput. Taamaattumik innuttaasuni isummersornerup allanngortinnissaa siunertarianeqarpoq. Akisussaassuseqarnerusumik imarsiornissamut paasititsiniaaneq tamaviaarnarsimavoq.

Qanittoq tikillugu paasititsiniaanermi suliniutit innuttaasut ilaannut inersimasunut sammitinneqarsimapput. Paasititsiniaanerlu tv-kkut raadiukkullu aallakaatitanik naatsunik nunap immikkoortuinut assigiinngitsunut sammisinneqartunik imaqarpoq. Tassani sumiiffinni inuttaliussat isumannaatsumik immakkut angalanissamut pitsaasunik siunnersuuteqarput.