Qaartiterutissat

Qaartiterutinut tunngasut

Ukiuni kingullerni ajutoortarnernut pinerliiniartarnernullu pisartunut alianartunut atatillugu ersersinneqarpoq qaartiterutinik eqqussuinerup, paarineqarnerisa, nassiunneqarnerisa aamma atorneqarnerisa aqunneqarnissaat aamma nakkutigineqarnissaat pisariaqartoq. Tamanna qulakkeerneqassaaq eqqussuineq, paarsarinninneq aamma pilersuineq kisermaassilluni ingerlatsilernissamut akuersinikkut aammalu atuinissamut akuersissummik tunniussisarnerup nakkutigineqarneratigut. Tamatuma saniatigut Namminersorlutik Oqartussat atuisunut paasisitsiniaanermut suliassaqarfimmi maleruagassat paasineqarnerulernissaat isumannaallisaanerullu annertunerulernissaa siunertaralugu peqataapput.

Qaartartuusivinnut aamma sanaartorfinnut qaartiterutissanik atuiffiusunut nalunaaruteqaqqaarluni nalunaaruteqaqqaaranilu nakkutilliisutut alakkaasarneq politiit suleqatigalugit ingerlanneqarpoq. Qaartiterutissanik atuinermi ajutoortoqarnerani suliffeqarfiit qaartiterinermilu aqutsisut piginnaasaqassusaat nalilersorneqartarpoq.

Inatsisinik unioqqutitsinerit uparuaatigineqartarput aammalu politiinut nalunaarutigineqarsinnaasarlutik.

Qinnuteqarnissamut immersugassat ilitsersuutillu

Qaartiterutinut tunngasunut qinnuteqarnissamut immersugassat uani aaneqarsinnaapput:

Immersugassanut ilitsersuutit aaneqarsinnaapput uani;

Qinnuteqaatit piffissaalluartillugu immersorneqarlutik, atsiorneqarlutik aamma nassiunneqassapput uunga Pinngortitamut Avatangiisinullu Naalakkersuisoqarfimmut:  

Pinngortitamut Avatangiisinullu Naalakkersuisoqarfik 
pan@nanoq.gl  
Postboks 1614
3900 Nuuk

Stark Kalaallit Nunaanni qaartiterutinik kisiartaalluni tuniniaasuuvoq. Tamanut saqqummiussaq imaatalu ilaa uani atuarneqarsinnaavoq.

ANFO-mik akoorinissamut atuinissamullu immikkut akuersissutinik piumasaqaatitaqarpoq

ANFO qaartiterutaavoq iluaqutissarpassualik, matumani ilaatigut qaartiterutinut allanut naleqqiullugu akikinnerulluni.  Taamaattorli ANFO-p passunnissaa aamma aqukkuminaanneruvoq. ANFO-mik ilaatigut annertussusiliisarneq nalunarneruvoq poortoreernikuninngarnit, taamaammallu ANFO-mik atuinermi kukkulluni qaartitsisoqarnissaanut aarlerinaat annertunerulluni.

Naalakkersuisoqarfiup naliliinera tassaavoq ANFO aatsitassanik piiaanermi sanaartornermilu inoqarfinnit ungasittuniittuni atorneqaruni tulluunnerusoq. ANFO-mik illoqarfiit iluini atorneqarnissaat kaammattuutigineqarsinnaanngilaq, akuersissutillu pingaarluinnartunik aatsaat tunngaveqarpata tunniunneqartassapput, tassanilu akit pingaarluinnartutut tunngavissatut isi-gineqarsinnaanngillat.

ANFO-mik akoorinissamut aamma/imaluunniit atuinissamut akuersissummik qinnuteqaruit taamaammat pingaarpoq sumorpiaq atornissaa, siunertamut sumut pissutsinullu allanut erseqqilluinnartumik allassimasariaqarpoq pisuni ataasiakkaani ANFO-mik atuisoqassappat.

Upalungaarsimanermut tunngasuni sulianik sullissisut tassaapput: