PCB

Akuutissaq PCB siusinnerusukkut atortunut elektroniskiusunut sanaartornermi atortunut ussissaatinut, qalipaatinut aammalu igalaanut issimik pitarneqarsinnaanngitsunut atorneqartarsimavoq. Ullumikkut ilisimaneqarpoq, akuutissaq arrortikkuminaatsuusoq aammalu avatangiisinut peqqissutsimullu ajoqutaasartoq.

PCB-mik atuinissamut inerteqquteqarneq

Ullumikkut PCB-mik atuinissaq inerteqqutaavoq, kisiannili sanaartukkat ilaanni suli PCB nassaassaavoq. Taamaattumik illumik iluarsaassinnginnermi isaterinnginnermiluunniit sanaartukkami atortunik PCB-mik akulinnik atuisoqarsimanersoq misissorneqartussaavoq. Eqqakkat PCB-mik akullit ulorianartuupput, aammalu PCB-p avatangiisinut peqqissutsimullu ajoqutaasumik avatangiisinut siaruarnissaa pinngitsoortinniarlugu, eqqakkat isumannaatsumik passunneqartussaapput.