Eqqakkat

Eqqakkat qimaannakkat illoqarfitsinnik pinngortitamillu isigiuminaallisitsisarput kiisalu avatangiisinut peqqissutsimullu ajoqusiisinnaallutik. Eqqakkalli eqqortumik passunneqartarpata, tamanna annertuumik isumalluutaalersinnaavoq.

Eqqakkanik atueqqittarneq

Ullumikkut nunatsinni illoqarfiit annersaanni ikuallaaviit eqqakkat ikuallanneqarsinnaasut ilaat atorlugit illutsinnut kiassarnermik tunisassiortarput. Eqqagarpassuit eqqortumik immikkoortiterneqarunik atoqqinneqarsinnaapput. Eqqakkat atortunik naleqarluartunik, soorlu saviminernik ulikkaarput. Tamanna allarpassuillu Avatangiisinut Immikkoortortaqarfiup qaammarsaanerit assigiinngitsut aqqutigalugit aalluppai.

Kommunit akisussaaffii

Naalakkersuisut eqqagassalerinermi pilersaarusiortarneq pingaarneq isumagisaraat. Eqqagassanilli passussineq kommunit suliassaraat. Kommunit eqqagassalereriaatsiminnut tunngasorpiaat qanoq iluarsaanneqarnisaat namminneerlutik aalajangertarpaat. Kommunit tamarmik immikkut najukkani eqqagassalereriaatsit ilusaat aamma eqqagassalerinermi maleruagassat eqqagassanut malittarisassani nassuiartarpaat.

Eqqagassalerinermut pilersaarutit

Naalakkersuisut kommunit suleqatigalugit eqqagassanik ikuallaasarnermi, piiaasarnermi, immikkoortiterisarnermi atueqqittarnermilu aaqqiissutissanik pitsanngorsaanissaq sulissutigaat. Naalakkersuisut suliniutit siunnerfilerniarlugit eqqagassalerinermut pilersaarut pingaarneq, ukiuni arlalinni atuuttussaq suliaraat.

Inatsisit

Matuma kinguliani inatsisit eqqagassalerinermut inatsisinut pingaarnertut atuutsinneqarput: