Avatangiisinut Upalungaarsimanermullu Immikkoortortaqarfik

Avatangiisinut Upalungaarsimanermullu Immikkoortortaqarfimmut tikilluarit. Avatangiisinut Upalungaarsimanermullu Immikkoortortaqarfik aaqqissuussaanikkut Pinngortitamut Avatangiisinullu Naalakkersuisoqarfimmut atavoq.

Avatangiisinut tunngasuni immikkoortortaqarfiup aqutarai avatangiisinut illersuinermut tunngasut, tassani inunnut, uumasunut pinngortitamullu minguitsumik silaannaqarnissaanik, imeqarnissaanik nunallu minguitsuunissaanik uumanissamullu atugarissaarfiunissaanik qulakkeerinnittumik suliniuteqarfiuvoq. Qulakkeertussaavarput nunami minguitsumik imeqarnissaa, taamaalilluni innuttaasut minguitsumik imeqarniassammata kiisalu imartat minguitsuunissaat aamma qulakkeerniartussaallugu. 

Upalungaarsimanermut tunngasut eqqarsaatigalugit immikkoortortaqarfiup suliarisarpai innuttaasut isumannaatsuunissaannut tunngasut kiisalu inuiaqatigiit ajutoornernut ajutoornersuarnullu suliniutai ilanngullugit. Upalungaarsimanermut ataatsimiititaliap allattoqarfia aamma isumagisaraarput.  Upalungaarsimanermut ataatsimiitsitaliaq aaqqissuussaanikkut kalaallit qallunaallu oqartussaasuisa ajutoortoqartillugu aqutsinerminni akimut suleqatigiiffigalugu qitiutinneqarpoq. 

Innuttaasut tamarmik Avatangiisinut Upalungaarsimanermullu Immikkoortortaqarfimmut qaqugukkulluunniit saaffiginninnissaminnut soorunami tikilluaqqusaapput.

Avatangiisinut Upalungaarsimanermullu Immikkoortortaqarfiup akisussaaffii pillugit annerusumik paasisaqarfigisinnaavatit saamiatungaani iserfissakkut.