Tusagassiortunut isissutissatut allagartat

Tusagassiorfinni sulisut Namminersorlutik Oqartussanut isersinnaassagunik tusagassiortunut isissummik allagartaqassapput Namminersorlutik Oqartussaniinnermi saqqumitinneqartussamik. Allagartaq qinikkat sulisullu allagartaannit allaanerusumik qalipaateqarpoq. Taamaasilluni allagartap qalipaataa takuinnarlugu tusgassiorfinneerneq takuneqarsinnaassaaq.

Allagartaq matunik ammaasinnaananilu parnaarsisinnaanngilaq taamaallaalli ilaqarnani Inatsisartuniinnissamut tusagassiortullu inaanniinnissamut periarfissiilluni.

Naalakkersuisoqarfinnukarniaraanni aqutsisoqarfinnukarniaraannilu tusagassiorfinni sulisoq Namminersorlutik Oqartussat saaffiginnittarfiinukassaaq isumaqatigiissuteqarfigisamit aaneqassalluni.

Tusagassiorfinni sulisut – tusagassiortut, assiliisut, teknikerit il.il. – Namminersorlutik Oqartussanut isissutissamik allagartartaarnissaat kissaatigigaanni tamanna akisussaalluni pisortap/aaqqissuisup Namminersorlutik Oqartussanut ilisimatitsissutigissavaa. Sulisup aqqa atorfiatalu taaguutaa nalunaarutigineqassapput. Sulisup pas-imut assimik digitalimik nassiussissaaq imaluunniit assimik tunniussiartorluni (piumasaqaatit takukkit).

Tusagassiortunut isissutissatut allagartat ukiut tamaasa nutarterneqassapput.

Uunga saaffiginnissutigineqassaaq:

Tusagassiivik
E-mail info@nanoq.gl