Arlaannaanulluunniit attuumassuteqanngitsumik paasisassarsiornermut aningaasanik agguagassiissutinik pissarsisut

Transparency International Greenland

Suliniut taaguuteqartoq: ”Nuna Allanngutsaaliugaq”. Tulliullugit allaaserineqartut tassaapput qinnuteqaataannit issuakkat:

”Nuna allanngutsaaliugaq, 1992-mi pilersinneqartoq, nunaavoq nalissaqanngitsoq, Naalakkersuisunit illersorneqartoq. Nunap allanngutsaaliukkap atorneranut malittarisassat Namminersornerullutik Oqartussat nalunaarutaat nr. 7 17. juni 1992-meersumi matumani ilanngullugu immikkoortortalersuinerit aalajangersarneqarput. Nunami allanngutsaaliukkami misissueqqaarnerit, atortussiassanik aatsitassanik ujarlernerit iluaqutiginninnissarlu Naalakkersuisut § 25 naapertorlugu akuerisinnaavaat.

IronBark Zinc Limited-ip Nunami allanngutsaaliukkami Citronenfjord-imi iluarsartuullugu aaqqissuussamik angisuumik piiaaffiliornissap ingerlanneqarnissaa kissaatigaa. Piiaaffissap pilersaarusiornera annertuumik siuarsimalereersimavoq, taannaanaanngilarlu Nunami allanngutsaaliukkami aatsitassanut iluarsartuullugu pilersaarusiaq ilippanaateqartoq.

Transparency International Greenland NGO-t peqatigiit peqatigalugit innuttaasut pitsaanerusumik ilanngutitinneqarnissaat ammasuuneq ersarissuunerlu qularnaassallugit Nuna allanngutsaaliugaq pillugu pinngortitamut kulturimullu tunngasutigut nalissaqanngitsutut innuttaasut tamaasa paasissutississallugit taamaalillunilu ataatsimoorussamik pigisamut inuppalaartumik soqutiginninnerunermik tunniussaqassalluni. Peqatigitillugu Nunami allanngutsaaliukkami piiaanermik ingerlatsisinnaaneq pillugu nunami innuttaasut tamarmik paasissutissinneqarnissaat oqalliseqataanissaasalu qularnaarnissaat anguniarneqarpoq. …”

(Suliaq kingusinnerusukkut ilanngunneqassaaq)

 

Inuit Circumpolar Council – Greenland

Suliniut taaguuteqartoq: ”Kuannersuit pillugit innuttaasut peqataatinneqarnerunissaat” Tulliullugit allaaserineqartut qinnuteqaataannit tigullattaagaapput:
”Narsap eqqaani Kuannersuarni aatsitassarsiorfeqalersinnaaneranut atatillugu sivisuumik misissuilluni sulisoqarsimagaluarpoq innuttaasut annikitsuaraannarmik ilisimavaat Uranisiornerup qanittuminiittunut, piniakkanut, nunalerinermut inunnullu avatangiisinut, pinngortitamut peqqissutsimullu tunngatillugu suut kinguneriumaarnerai. Canadami Uranisiornernit ataatsimulluunniit isigalugu uranisiornermit misilittagalimmik immikkut ilisimasalimmik arlaannaannulluunniit attuumassuteqanngitsumik sulisussarsinikkut Inuit Circumpolar Council (ICC) soqutigisaqaqatigiiffiit naalakkersuinermut
attuumassuteqanngitsut suleqatigiiffiinik suleqateqarluni innuttaasut pitsaanerusumik peqataatissinnaajumallugit siunissami uranisiorluni suliniutissaajunnartunut atatillugu tusarniaanermut akissutissanut ilisimasanik pingaarutilinnik katersiniarpoq. Taamatuttaaq arlaannaannulluunniit attaveqarani ilisimasat Kalaallit Nunaata inuinut ingerlateqqillugit tusarliunneqartarniarput, taamaalilluni oqallinneq maannakkornit pitsaassuseqalerniassammat. Taamatuttaaq arlaannaannulluunniit attaveqarani ilisimasat Kalaallit Nunaata inuinut ingerlateqqillugit tusarliunneqartarniarput, taamaalilluni oqallinneq maannakkornit pitsaassuseqalerniassammat. Immikkut ilisimasallip arlaannaannulluunniit atanngitsup tusarniaanermut atortorineqartut pissarsiarineqarsinnaasut misissussavai suliniutinit tamakkununnga assingusunit ilisimasanik ujaasisarluni ataatsimullu isigalugu oqartussaasunit taamatullu aatsitassarsioqatigiiffinnit paasissutissat misissortassallugit …”

(Suliaq: “Ajorpoq” – akissutisineq ajorpugut)

 

KNR – Kalaallit Nunaata Radioa

Suliniut taaguuteqartoq: ”Kuannersuarni Killavaat Alannguannilu siunissami suliffissualiassanik suliniutissat”. Tulliullugit allaaserineqartut tassaapput qinnuteqaataannit issuakkat:
Aatsitassarsiornermi kujataani suliniutit annertuut Kuannersuarni Killavaat Alannguannilu pillugit inuttaasut isumaannik paasiniaanissaq, akerliusut tapersersuisullu isumaasa tunngavilersornissaat siunertaralugu. Maannakkut inuussutissarsiutaasut savaateqarnermik naatitsisarnermillu inuussutissarsiuteqarneq takornariaqarnerlu saniatigooralugit tunisassiatut taamatullu aalisarneq aatsitassarsiorluni suliffissuaqarnermut tapertaralugit sanilliuttarniarpavut. KNR qinnuteqaateqarpoq TV-kkut aallakaatitsisarnissat TV-qarfinnut allanut avammut tunisisarsinnaaneq ilanngullugu tusagassiortutut misissuinissat suliarineqarnissaat siunertaralugit.
Suliap inerneri uani isiginnaarneqarsinnaapput:

Uumassusillit uumaatsullu (1:2)

Uumassusillit uumaatsullu (2:2)

 

SIK / KANUKOKA – Sulinermik Inuussutissarsiuteqartut Kattuffiat / Kalaallit Nunaanni Kommuneqarfiit Kattuffiat

Suliniut aallartinneqareernerminiit allanngortinneqarpoq. Suliniut maanna taaguuteqarpoq: ”Kalaallit Nunaanni najukkani assigiinngitsuni suliffissaqarfiit suliffissualiorluni suliniutinik anginerusunik qanoq sunnerneqassanersut – Sisimiuni aalisakkerivik aallaavigalugu”. Tulliullugit allaaserineqartut tassaapput qinnuteqaataannit issuakkat:

Sulissutiginninnikkut pingaarnertut anguniagaavoq Kalaallit Nunaanni najukkani assigiinngitsuni suliffeqarfiit suliffissualiorluni suliniutit annertunerusut pilersarnerannit, nuuttarneranni matusarnerannillu qanoq sunnerneqarnissaat paasiniassallugu. Suliniummi paaserusunneqarpoq suliffeqarnermi aaqqissuussaanikkut allanngortitsinerit anginerusut, soorlu suliffissuiaqarnikkut, qanoq inuiaqatigiinni innuttaasunut immikkooruteqartunut sunniuteqartarnersut. Sisimiuni aalisakkanik suliffissuaq assersuutitut aallaavigineqassaaq.

Suliamut atatillugu kissaatigineqarpoq taaneqartut saniatigut nassuiarneqassasoq inuussutissarsiutit allat sumiiffiit ataasiakkaani qanoq sunniuteqartarnersut. Tamanna aamma naleqqutissaaq tusarniutinut SIK aamma KANUKOKA-p suliarisartagaanut, aamma ukiuni tulliuttuni suliarineqartartussanut, pingaartumik aatsitassaqarnikkut.”

(Suliaq kingusinnerusukkut ilanngunneqassaaq)