Politikkikkut susassaqarfiit

Naalakkersuisut Siulittaasuata Naalakkersuisoqarfia (NSN)

  • Naalakkersuisoqarfik/Allattoqarfik
  • Ingerlatseqatigiiffinnut Allattoqarfik
  • Inatsisilerinermut immikkoortortaq
  • Tusagassiivik

Naalakkersuisoqarfiup Naalakkersuisut siulittaasuannut Naalakkersuisumullu allattoqarfittut suliassat isumagisarai. Naalakkersuisut siulittaasuat naalakkersuisoqarfimmi naalakkersuinikkut aqutsisuuvoq. Ulluinnarni aqutsineq naalakkersuisoqarfimmi pisortamit isumagineqarpoq.

Naalakkersuisut isummernissaannut tunngavissiani Naalakkersuisut politikkiat, matumani ilanngullugu imarisassaa pitsaassutsimikkut qulakkeerneqarnissaasa ataqatigiissarnerat, Allattoqarfiup qulakkiissavaa. Aammattaaq Naalakkersuisunit immikkoortut Inatsisartunullu ilaasortat Inatsisartut ataatsimiinneranni aalajangiiffigisassatut siunnersuutaat il.il. kiisalu naalakkersuisoqarfiit akimorlugit iluarsartuullugit pilersaarusianut nassuiaatit, aamma naalakkersuisoqarfinni pisortaaqatigiit suliakkiiutaat naammassineqarnissaat qulakkiissavai.

Taamaalilluni naalakkersuisoqarfiup pingaarnertut suliassaraa Siulittaasumut Naalakkersuisunullu aammalu Naalakkersuisuni aaqqissuussaanermut tamarmiusumut atatillugu ataqatigiissaarinermik siunnersuinermillu qullersaqarfiup isumaginninnissaanut pitsaasumik tunngavissiinissaq.

Tamatuma saniatigut naalakkersuisoqarfiup suliassaqarfianiipput suliassat pingaarnerusut, tamanut attuumassutillit ataqatigiissaariffiusullu naalakkersuisoqarfimmut aalajangersimasumut inissinneqarsimanatillu inissinneqarsinnaanngitsut.

Ingerlatseqatigiiffinnut Allattoqarfik
Ingerlatseqatigiiffinnut Allatoqarfiup Naalakkersuisut sinnerlugit Namminersorlutik Oqartussat tamakkiisumik ilaannakortumilluunniit ingerlatseqatigiiffinnut pigisaanut suliaqartartuuvoq.

Ingerlatseqatigiiffinnut Allattoqarfik ulluinnarni Naalakkersuisut ingerlatseqatigiiffinnut piginnittutut inissisimanerat najoqqutaralugu politikkinik ineriartortitsisarput, piviusunngortinneqarnissaallu malinnaavigisarlugu.

Inatsisilerinermut immikkoortortaq
Inatsiseqarnermut Immikkoortortaqarfik tassaavoq Kalaallit Nunaanni Namminersorlutik Oqartussat inatsisilerinikkut qitiusumik immikkoortortaqarfia, Naalakkersuisut Siulittaasuat, Naalakkersuisunut kiisalu Kalaallit Nunaanni Namminersorlutik Oqartussat naalakkersuisoqarfiinut tamanut inatsisilerinermi apeqqutinut tunngatillugu siunnersuisartoq.

Tusagassiivik
Tusagassiivik tassaavoq Namminersorlutik Oqartussat paasissutissiinermut allaffiat, Naalakkersuinut, Inatsisartunut Qitiusumillu Allaffeqarnermi aqutsinikkut sullissisoq.