Inatsiseqarnermut immikkoortortaq

Inatsiseqarnermut immikkoortortaq tassaavoq Namminersorlutik Oqartussat qitiusumik inatsisinut immikkoortortaqarfiat, taassumalu suliassaqarfimmini isumagisassaraa suliassat inatsilerinermut tunngasut Naalakkersuisunut, Naalakkersuisut siulittaasuannut Naalakkersuisoqarfinnullu allanut attuumassuteqartut.

Kalaallit nunaanni inatsisiliornerup pitsaassusaata qularnaarneqarnissaa siunertaralugu malittarisassanik atuutilersitsinernut atatillugu naalakkersuisoqarfiit ataasiakkaat inatsisinut tunngasutigut ikiornissaat Inatsiseqarnermut immikkoortortaqarfiup akisussaaffigaa. Taakku saniatigut inatsisilerinermut atatillugu aporfiusinnaasunik inatsiseqarnermut immikkoortortaqarfik siunnersuisassaaq.

Inatsiseqarnermut immikkoortortaqarfiup sulineranut makku pingaarnertut ilaapput:

  • Inatsisit, peqqussutit nalunaarutillu pillugit inatsisitigut periuutsit kiisalu kommunit ileqqoreqqusaat
  • Naalakkersuisunut kiisalu Namminersorlutillu Oqartussat ingerlatsiveqarfiinut inatsisit pillugit nassuiaassineq inatsisillu eqqarsaatigalugit siunnersuineq
  • Atuuttussanngortitsinerit saqqummiuttarnissaat kiisalu Namminersorlutik Oqartussat inatsisitigut najoqqutassaasa naqitertinnerat tamanullu saqqummiunneqarnerat
  • Naalagaaffiup oqartussaasuinut attaveqarneq, ilanngullugit ukununnga atatillugu:

- Namminersorluni Oqartussaaneq pillugu aaqqissuussineq
- Naalagaaffiup inatsisiliornera
- Isumaqatigiissutinut atatillugu ataqatigiissaarisutut ingerlatsinerit

  • Atuuttussanngortitsinerit saqqummiunneqartarnissaat kiisalu siunnersuineq makku pillugit:

- Tamanut inatsisiliorneq aamma ingerlatsineq pillugu inatsisiliorneq
- Inatsisartut Naalakkersuisullu pillugit inatsisiliorneq
- Pisortanit arsaagaaneq taarsiivigineqarnertalik pillugu inatsisiliorneq, aasaanerani nalunaaqutaq piffissamillu aalajangiinerit pillugit apeqqutit allat.

Suliassat ataatsimut siunertalinnut suleqatigiissitaliani susassaqartunik assigiinngitsunit peqataaffigineqartunit assigisaannilu Inatsiseqarnermut Inatsisillu pillugit immikkoortortaqarfik aamma suliaqartarpoq.