Kommunalbestyrelsenut qinersisarneq

Kommunalbestyrelsenut qinersisarnerit pillugit nassuiaat

Kommunalbestyrelsenut qinersinerni kommunit immikkut qinersiviusarput ataatsit. Kommunalbestyrelsenut qinersineq, kommunini tamani immikkut qinersinermik siulersuisunit aqunneqartarpoq, piareersarneqartarpoq naammassineqartarlunilu. Qinersinermik siulersuisuniipput borgmesteri kiisalu kommunalbestyrelsemut ilaasortat ikinnerpaamik pingasut, kommunalbestyrelsenit toqqarneqartut. Qinersinermut siulersuisunut ilaasortanik taasineq nalinginnaasumik amerlanerussuteqartunit aalajangerneqartarpoq, qinersinermillu siulersuisunut siulittaasuuvoq borgmesteri.

 

Kommunini tallimani kommunalbestyrelsemut ilaasortat amerlassusaat tulliuttumi takusinnaavatit:

Avannaata Kommunia: Kommunalbestyrelsimut ilaasortat 17

Kommune Kujalleq: Kommunalbestyrelsimut ilaasortat 15

Kommune Qeqertalik: Kommunalbestyrelsimut ilaasortat 15

Kommuneqarfik Sermersooq: Kommunalbestyrelsimut ilaasortat 19

Qeqqata Kommunia: Kommunalbestyrelsimut ilaasortat 15

 

Kommunalbestyrelsenut qinersisarnerit pillugit apeqqutissaqaruit, kommunit attavigissavat.

 

Matuma ataani kommunalbestyrelsenut qinersisarneq pillugu inatsisit nassaarisinnaavatit:

Kommunalbestyrelsenut, nunaqarfinni aqutsisunut ilagiillu sinniisaannut qinersisarnerit pillugit Inatsisartut inatsisaat nr. 27, 28. november 2016-imeersoq (kommunalbestyrelsenut qinersisarnerit pillugit immikkoortoq kapitali 1-imiittoq takuuk)