Qinersinermut Ataatsimiititaliaq

Qinersinermut Ataatsimiititaliaq pillugu nassuiaat

Nunamut Namminermut Immikkoortortaqarfik Qinersinermut Ataatsimiititaliamut allattoqarfiuvoq. Qinersinermut Ataatsimiititaliaq pingaartumik Inatsisartunut qinersisoqarneranut atatillugu sulisarpoq, tassani qinersinissap tungaanut kiisalu qinersinerup kinguninngua suliassat arlallit Qinersinermut Ataatsimiititaliami akuersissutigineqarlutilluunniit aalajangerneqartarmata.

 

Inatsisartunut qinersinerit kiisalu Pituffimmi Nunaqqatigiit Siunnersuisoqatigiivinut qinersinerit Qinersinermut Ataatsimiititaliamit aqunneqartarput.

 

Qinersinermut Ataatsimiititaliamut ilaasortaapput Naalakkersuisut Siulittaasuata Naalakkersuisoqarfiani pisortaq, ilaasortaq kommunit ataatsimoorlutik toqqagaat kiisalu Kalaallit Nunaata biskopia imaluunniit taakkununnga sinniisussat.

 

Qinersinermut Ataatsimiititaliami maanna ilaasortat:

  • Hans-Peder Barlach Christensen, Naalakkersuisut Siulittaasuata Naalakkersuisoqarfiani pisortaq (siulittaasoq)
  • NN (Kommunit toqqaanissaat utaqqineqarpoq)
  • Sofie Petersen, Biskop Kalaallit Nunaanni Biskopeqarfik

Kommunalbestyrelsenut, nunaqarfinni siulersuisunut aamma ilagiit sinniisaannut qinersinerit kommunini qinersinermi siulersuisunit aqunneqartarput. Qinersinermut Ataatsimiititaliaq kommunini qinersinernut atatillugu taamaallat immikkut akuerineqarnissamut kiisalu naammagittaalliornissamut atuuffiuvoq.

 

Inatsisitigut tunngavigisaq:

Kalaallit Nunaanni Inatsisartunut qinersisarneq pillugu Inatsisartut inatsisaat nr. 9, 31. oktober 1996-imeersoq (Qinersinermut Ataatsimiititaliaq pillugu immikkoortortaq kapitali 7-imiittoq takuuk)