Juuni 2017-imi Uummannap eqqaani ajunaarnersuaqarnerata kingorna suliniarnermut aqutsisoqatigiit

Juuni 2017-imi Uummannap eqqaani ajunaarnersuaqarnerata kingorna suliniarnermut aqutsisoqatigiit pillugit nassuiaat

Nunamut Namminermut Immikkoortortaqarfik 17. Juuni 2017-imi Uummannap eqqaani ajunaarnersuaqarnerata kingorna suliniarnermut aqutsisoqatigiinnut allattoqarfiuvoq.


Nunamut Namminermut Immikkoortortaqarfik aqutsisoqatigiit aqunneranut akisussaasuuvoq. Aqutsisoqatigiinnik siunertaavoq, pinngortitami ajunaarnersuup kingunerisaanik annikillisaanermut suliniutit pillugit Namminersornerullutik Oqartussat aamma Avannaata Kommuniata kiisalu attuumassuteqartut allat suliaqarneranni ataqatigiissaarinermik qulakkeerinninnissaq.

Nunamut Namminermut Immikkoortortaqarfimmi pisortaq, Klaus Georg Hansen, aqutsisoqatigiinnut siulittaasuuvoq.

Tunngavigisaq:

Juuni 2017-imi Uummannap eqqaani ajunaarnersuaqarnerup kingorna suliniarnermut aqutsisoqatigiit pilersinneqassasut 3. november 2017-imi Naalakkersuisut aalajangerput.