Kommunit Nakkutilliisoqarfiat

Kommunit Nakkutilliisoqarfiat pillugu nassuiaat

Nunamut Namminermut Immikkoortortaqarfik Kommuninut Nakkutilliisoqarfimmut allattoqarfiuvoq. Nakkutilliisoqarfiup nakkutigisarpai, kommunalbestyrelsit ingerlatsinerminni Kommunit aqutsinerat pillugu Inatsisartut inatsisaanni (Aqutsinermut inatsit) malittarisassat malinneraat [84 Link til ekstern side] kiisalu pisortat inatsisaanni malittarisassat atuuttut malillugit ingerlatsinersut.

Allattoqarfittut Nunamut Namminermut Immikkoortortaqarfiup Nakkutilliisoqarfiup suliassai oqallisigineqarnissaanut piareersartarpai, kiisalu suliani oqaaseqaatit pisariaqartut pissarsiarisarlugit aamma piviusut erseqqissarneqarnissaat ujartortarlugit. Tamatuma kingornagut Nunamut Namminermut Immikkoortortaqarfiup suliani ataasiakkaani Nakkutilliisoqarfiup ataatsimiinnerinut nassuiaatinik suliaqartarpoq, suliami piviusumik naalisaanertalinnik kiisalu suliassaqarfimmilu pineqartumi aalajangersakkanik atuuttunik nalunaarutitalinnik.

 

Naalakkersuisut Nakkutilliisoqarfimmut suliamik saqqummiussisinnaapput, piffissap killiliussap aalajangikkap iluani kommuni pissutsit, nakkutilliinermut atatillugu Naalakkersuisut itisileqqusaat pillugit uppernarsaatinik nassiussinngippat. Aqutsinermut inatsimmi § 49 naapertorlugu Naalakkersuisut aalajangersinnaavaat, suliamik Nakkutilliisoqarfimmut saqqummiussinissamut naammaginartumik toqqammavissaqarnersoq. Aalajangersakkamut tassunga nassuiaatini taaneqarpoq, Naalakkersuisut, kisimik aalajangersinnaagaat, suliaq ima pissuseqarnersoq, suliaq Nakkutilliisoqarfimmut saqqummiuttariaqarluni kinguneqartinnissaanut isumaliutigineqarluni. Taamaasillutik allat Nakkutilliisoqarfimmut suliamik saqqummiussisinnanngillat.

 

Kommuninut Nakkutilliisoqarfimmut tulliuttut ilaasortaapput:

  • Siulittaasoq Sólja í Ólavstovu, Savalimmiuni Ombudsmandi (Kalaallit Nunaanni Eqqartuussisuunermit toqqarneqartoq)
  • Ole Dorph (24. april 2018-imi Inatsisartunut qinersinerup kingorna Inatsisartunit toqqarneqartoq)
  • Agathe Fontain (24. april 2018-imi Inatsisartunut qinersinerup kingorna Inatsisartunit toqqarneqartoq)
  • NN (kommunit toqqaanissaat utaqqineqarpoq)
  • NN (kommunit toqqaanissaat utaqqineqarpoq)

 

Nakkutilliisoqarfik ataatsimiittarpoq, siulittaasup imaluunniit ilaasortat pingasut pisariaqartutut nalilerpassuk. Ataatsimiigiaqqusinermut killissarititaq kiisalu ataatsimiigiaqquseriaaseq pillugit siulittaasoq aalajangersaasarpoq. Nakkutilliisoqarfik aalajangiisinnaavoq, siulittaasoq ikinnerpaamillu ilaasortat allat marluk ataatsimiinnermi peqataappata.

 

Kommuninut Nakkutilliisoqarfiup suleriaasia pillugu uani atuarsinnaavutit:

Kommuninut Nakkutilliisoqarfiup suleriaasia

 

Inatsisitigut tunngavigisaq:

Kommunit aqunneqarnerat pillugu Inatsisartut inatsisaat nr. 29, 17. november 2017-imeersoq (Kommuninut Nakkutilliisoqarfik pillugu immikkoortortaq kapitali 6-imi takuuk)