Pigisanik aalaakkaasunik arsaarinnissuteqartarneq

Pigisanik aalaakkaasunik arsaarinnissuteqartarneq pillugu nassuiaat.

1992-imi suliassaqarfinni, Kalaallit Nunaata nammineq allattoqarfiata ataaniittuni pigisanik aalaakkaasunik arsaarinnissuteqarnissamut aalajangiinissamut Naalakkersuisut oqartussaalerput. Nunamut Namminermut Immikkoortortaqarfiup Naalakkersuisut sinnerlugit oqartussaaffik taanna allaffissornikkut isumagaat.

Pigisanik aalaakkaasunik arsaarinnissuteqartarnernik Naalakkersuisut ataaniittunik suliaqartoqartillugu, isumaqatiginninniarnerit nalinginnaasut aallarniutigineqartarpoq, isumaqatigiittoqarsinnaanngikkaangalli, taava Naalakkersuisut pigisanik aalaakkaasunik arsaarinnissuteqartarpoq.

Pigisanik aalaakkaasunik arsaarinnissuteqarnermik sulianik, Naalakkersuisut ataaniittunik suliaqarnermi, Nunamut Namminermut Immikkoortortaqarfik inunnik attuumassuteqanngitsunik 4-5-inik ilaasortalimmik ataatsimiititaliortarpoq, taakkunani siulersuisoq ilaasortarlu alla Naalakkersuisunit toqqarneqartarlutik, ilaasortaq ataaseq kommunalbestyrelsemit pineqartumit toqqarneqartarluni kiisalu ilaasortat marluk pigisanik aalaakkaasunik arsaarinnissuteqarnermik suliami sunnerneqartunit, pigisaat aalaakkaasut, arsaarinnissutigineqarnissaannut apeqquserneqartut, imaluunniit ilaasortamik ataatsimik, sunnerneqartoq ataasiinnaq pineqarpat, toqqaasoqartarluni.

Nunamut Namminermut Immikkoortortaqarfik Pigisanik aalaakkaasunik arsaarinnissuteqartarneq pillugu Ataatsimiititaliamut allattoqarfiuvoq.

Pigisanik aalaakkaasunik arsaarinnissutigineqartarsimasut

 

Nuummi mittarfik tallineqarnissaanut atatillugu arsaarinnissuteqarnermut tunngasut.


Tusagassiorfinnut nalunaarut 10. april 2019

Arsaarinnissuteqarnermut atortussat saqqummiunneqarneri

 

Tusagassiorfinnut nalunaarut 31. maj 2019
Sanaartorfissaq B2 aamma B3 Nukappiakulummiittumut misissuinissamut aggersaaneq

 

Nuummi mittarfiup allilerneqarnissaanut atatillugu arsaarinnissutiginninneq.

Inatsit tunngavigisaq:

Pigisanik aalaakkaasunik arsaarinnissuteqartarneq pillugu Inatsisartut inatsisaat nr. 25, 30. oktober 1992-imeersoq