Naalakkersuinikkut Ataqatigiissaarisoqatigiit

Naalakkersuinikkut Ataqatigiissaarisoqatigiit pillugit nassuiaat

Nunamut Namminermut Immikkoortortaqarfik Naalakkersuinikkut Ataqatigiissaarisoqatigiinnut, Naalakkkersuisut kiisalu borgmesterit tallimat ilaasortaaffigineqartunut allattoqarfiuvoq. Naalakkersuinikkut Ataqatigiissaarisoqatigiinnut siulittaasuuvoq Naalakkersuisut Siulittaasuat.

Naalakkersuinikkut Ataqatigiissaarisoqatigiinni politikkikkut sammisat, pisortat ataatsimut (aamma kommunit ataatsimut) ukkataqarfigisaat suliarineqartarput, soorlu:

  • Eqimattamut tamarmut suleqatiginnissamut isumaqatigiissutit
  • Ataatsimoortumik tapiissutit aamma nalimmassaaneq pillugit isumaqatigiissutit
  • Suliassaqarfinnik kommuninut imaluunniit Namminersorlutik Oqartussanut nuussinerit
  • Suliffeqarfinnik nussuinerit
  • Inatsisitigut suliniutit nutaat pillugit paasissutissiinerit
  • Politikkikkut sammisat pingaarnerit annertuut

Naalakkersuinikkut Ataqatigiissaarisoqatigiinni ilaasortat ukiumut marluk-pingasoriarlutik ataatsimiittarput. Ataatsimiinnerit, Inatsisartut ataatsimiinnerisa nalaani ingerlanneqartut, aallaavittut Nuummi ingerlanneqartarput, ataatsimiinnerilli, Inatsisartut ataatsimiinnerisa avataani ingerlanneqartut, kommunit allat paarlakaallugit ingerlanniarneqartarlutik. Naalakkersuinikkut Ataqatigiissaarisoqatigiit ataatsimiinnissamut aggersumut ullormi oqaluuserisassat sammisat ataatsimiigiaqqusissut sioqqullugu aalajangertarpaat. Naalakkersuinikkut Ataqatigiissaarisoqatigiinni ataatsimiinnerit sapinngisamik aalajangersimasumik qulequtaqartumik sammisaqartinneqartarput.

Naalakkersuinikkut Ataqatigiissaarisoqatigiinnut allattoqarfittut Nunamut Namminermut Immikkoortortaqarfiup suliarisarpaa, nalinginnaasumik ataatsimiinnissamut kingusinnerpaamik ulluinnaat tallimat sioqqullugit, ullormi oqaluuserisassamik kiisalu ullormi oqaluuserisassanut ilanngussanik tassunga atasunik nassiussinissaq. Nunamut Namminermut Immikkoortortaqarfikaamma isumagisarpaa, aalajangiinerit pillugit eqikkaanermik naammassinninnissaq, ataatsimiinnerup naammassinerata kinguninngua nassiunneqartussamik, kalaallisut qallunaatullu pigineqalerpat, ataatsimiinnerup tulliani inaarutaasumik akuersissutaasussamik.

Tunngavigisaq:

Naalakkersuinikkut Ataqatigiissaarisoqatigiit suleriaasiat