Najugaqarfiit minnerit pillugit isumasioqqatigiinneq – maaji 2017

Isummersoqatigiinnerup ”Alloriarta Kivitseqatigiillutalu – Lad os løfte i flok” – maaji 2017 nassuiarnera

Najugaqarfiit minnerit pillugit isumasioqatigiinneq ”Alloriarta Kivitseqatigiillutalu – Lad os løfte i flok” Nuummi 30.-31. maaji 2017-imi ingerlanneqarpoq. Isumasioqatigiinneq Namminersorlutik Oqartussat aamma KUNUNUPE-p suleqatigiinnerisigut piareersarneqarpoq, isummersoqatigiinnermullu peqataapput nunaqarfinni siulersuisunut ilaasortat, Naalakkersuisunut ilaasortat amerlanerpaat, borgmesterit kiisalu ikaarsaariarnermut ataatsimiititaliani siulittaasut.

 

Isumasioqatigiinnermut tamarmut programmi uani takuuk:

”Alloriarta Kivitseqatigiillutalu – Lad os løfte i flok”-imi programmi

 

”Alloriarta Kivitseqatigiillutalu – Lad os løfte i flok”-imi sammisat pingaarnerit pingasut sammineqarput:

 

1. Siunissami nunaqarfiit najugaqarfiillu minnerit

Siunissami Kalaallit Nunaanni nunaqarfiit najugaqarfiillu minnerit, kommunit Namminersorlutillu Oqartussat sunniivigeqatigalugit qanoq iliussappat ataannarsinnaanermut tunngavitsik attatiinnarniarlugu?

 

2. Piviusumik inuussutissarsiutitigut ineriartortitsinissamut, pilersuinermut kiisalu atasinnaasunik namminersortut suliffeqarfiinut sinaakkutinik pitsaasunik pilersitsineq

Nunaqarfinni inuussutissarsiutinik ineriartortitsinissamut kiisalu pilersuinermut sinaakkutit pitsanngorsarniarlugit suut suliniutigineqarsinnaappat?

 

3. Meeqqanut inuusuttunullu inuunermi atukkat toqqissisimasut ineriartortitsisullu

Nunaqarfiit najugaqarfiillu minnerit qanoq ilillutik innuttaasut inuusunnerusut paariinnarsinnaavaat, sumiiffiup pilerinassusaa ineriartortitsinissamullu periarfissai qulakkeerniarlugit?

 

Isumasioqatigiinnermi oqalugiaatit saqqummiinerillu ataani nassaarineqarsinnaapput:

 

Isumasioqatigiinnermik ammaaneq

Erik Jensen, Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoq

Hans Enoksen, Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoq

 

Siunissami nunaqarfiit najugaqarfiillu minnerit

Nunaqarfinni avatangiisitigut pissutsit: Kim Kielsen, Naalakkersuisut Siulittaasuat

Periarfissat amerlanerit aamma sumiiffimmi akisussaassuseqarneruneq: Maritha Eugenius, Kommuneqarfik Sermersooq

Piumavugut pisinnaavugullu: Jens Kristian Therkelsen, KANUNUPE

 

Piviusumik inuussutissarsiutitigut ineriartortitsinissamut, pilersuinermut kiisalu atasinnaasunik namminersortut suliffeqarfiinut sinaakkutinik pitsaasunik pilersitsineq

Inuussutissarsiutitigut ineriartortitsinissamut suliffeqarfinnillu periarfissat: Kåre Henriksen, Center for Arktisk Teknologi

Ullumikkut siunissamilu pilersuinerup annertussusaa: Peter Grønvold Samuelsen, KNI A/S

 

Meeqqanut inuusuttunullu inuunermi atukkat toqqissisimasut ineriartortitsisullu

Nunaqarfinni ilinniarsimassutsimik qaffaaneq – siunissamut sapiissuseq: Palle Lennert, NUIKI

Nunaqarfinni ilinniarsimassutsikkut unammilligassat: Simon Lennert, Ilinniartitaanermut Aqutsisoqarfik

Isumaginninnermik suliassaqarfimmi nunaqarfinni suliniutit suleqatigiinnerillu: Sara Olsvig, Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoq

 

Eqikkaaneq isumasioqatigiinnermilu innersuussutit arlallit