Nunatsinni Nakorsaaneqarfiup suliassai

  • Peqqinnissamik sulinermut tunngasut pillugit allatigullu Naalakkersuisunut pisortaqarfinnullu siunnersuisarlunilu allatigut ikiuuttarnissaq.
  • Peqqinnissakkut suliniutini amigaatit uparuartortassallugit iluarsiissutissanillu siunnersuuteqartassalluni.
    Peqqissutsikkut pissutsit immikkut ittut tamanna pisariaqartileraangassuk tamanut ammasumik paasissutissiisarnissaq.
  • Peqqinnissamut sulisunut qeqqissutsimut tunngasunik ilitsersuutinik nassiussuineq.
  • Peqqinnissaqarfinni sulisunik pisortallu angerlarsimaffiutaannik nakkutilliineq.
  • Napparsimasut Sullinneqarneranni Maalaartarfimmut maalaarutit piareersaataasumik suliarinissaat.
  • Peqqissaasutut Kalaallit Nunaanni sulisinnaatitaanermut akuersissutinik tunniussisarnerit.
  • Nakorsat Qullersaat aamma eqqartuussivinnut ikiuuttarnernik, isumaginninnermut atatillugu peqqinnissaqarfimmi suliassanut, avatangiisinut peqqinnissamut tunngasunik sianiginnilluarnermut atasunik suliaqartarpoq.
  • Nunatsinni Nakorsaaneqarfiup suliassai allat tassaapput peqqissutsimik kisitsisit atorlugit nakkutiginninneq, nappaatit tuniluuttartut atugaanerat nalunaaruteqartassalluni aammalu ukiumoortumik pisortaqarfiup suliaanik ukiumoortumik nalunaarusiorneq. Peqqinnissakkut Nakkutilliisorqarfik aamma innuttaasut peqqinnerulernissaat ataatsimut isigalugu pitsaaliuinerlu pillugit suliani pilersaarusioqataasassaaq.

Qallunaat peqqinnissakkut pisortaqarfii qanittumik pitsaasumillu suleqatigineqarput, taamatullu Skandinaviami nunarsuarmilu tamani qanittumik suleqateqarluni.