Nunat Avannarliit Siunnersuisoqatigiivi

Nunat Avannarliit Siunnersuisoqatigiiffiat Inatsisartuni ingerlatsiviuvoq. Nunat Avannarliit Siunnersuisoqatigiiffiannut Islandimi, Danmarkimi, Finlandimi, Norgemi, Sverigemi, Kalaallit Nunaanni, Ålandimi aamma Savalimmiuni Inatsisartunut suleqatigiiffimmik kissaateqarneq tunuliaqutaavoq.

Nunat Avannarliit Siunnersuisoqatigiiffianni ilaasortat 87-iupput. Ilaasortat tamarmiusut katersuuffianni nunanit tamanit aallartitat peqataasarput, tamatumani siulittaasoqarfimmut ilaasortaassanik, nakkutilliinermut ataatsimiititaliamik qinersinermullu ataatsimiititaliamik qinersisoqartarluni.

Ataatsimiititaliat tallimaapput, tamarmik qinikkanik 13-15-inik ilaasortallit, tassaasut:

- kultureqarnermut ilinniartitaanermullu ataatsimiititaliaq
- innuttaasunut atuisartunullu ataatsimiititaliaq
- avatangiisinut pinngortitamullu ataatsimiititaliaq
- atugarissaarnissamut ataatsimiititaliaq
- Inuussutissarsiutinut ataatsimiititaliaq

Nunat Avannarliit Siunnersuisoqatigiiffianni Kalaallit Nunaata peqataanera
Kalaallit Nunaata Nunat Avannarliit Siunnersuisoqatigiiffianni sinniisorisatut aallartitassai marluk Inatsisartunit ukiut tamaasa toqqarneqartarput. Nunat Avannarliit Siunnersuisoqatigiiffiata ilaasortaasa tamarmiusut katersuuffianni (ataatsimiinnerini) aammalu ataatsimiititaliat ingerlaavartumik sulineranni Kalaallit Nunaat tamakkiisumik taasisinnaatitaalluni peqataasarpoq.

Nunat Avannarliit Siunnersuisoqatigiiffiannut innersuussissut