Nunani Avannarlerni Ministerit Siunnersuisoqatigiivi

Nunat Avannarliit Ministeriisa Siunnersuisoqatigiiffiat Nunani Avannarlerni, Kalaallit Nunaanni, Savalimmiuni, Ålandimi, Danmarkimi, Norgemi, Islandimi, Sverigemi aamma Finlandimi naalakkersuisut suleqatigiiffigaat.

Nunani Avannarlerni Ministerit Siunnersuisoqatigiiffiat 1962-imi Helsingforsimi isumaqatigiissummik allannguinikkut pilersinneqarpoq. Allannguinerit 13. februar 1971-imi atsiorneqarput.

Nunanni Avannarlerni Ministerit Siunnersuisoqatigiiffiata Nunani Avannarlerni aamma Nunani Avannarlerni naalakkersuisut suleqatigiinnerat nukittorsarusuppaa.

Ministeriunerit suleqatigiinnermut pingaarnertut akisussaaffeqarput. Suleqatigiinneq Nunani Avannarlerni Ministerit suleqatigiissut (MR-SAM), nunat ataasiakkaat naalakkersuisuisa toqqagaat, ataqatigiissaarpaat. Ministerit suleqatigiissut atorfilittaqatigiinnit, Nunani Avannarlerni suleqatigiinnermut komite (NSK), ikiorserneqartarput.

Nunani Avannarlerni Ministerit Siunnersuisoqatigiiffiannut tamanut Nunani Avannarlerni Ministerit Siunnersuisoqatigiiffii aqqanillit attuumassuteqarput. Tamakku tassaapput:

Nunani Avannarlerni Ministerit inuunermi sulinermut Siunnersuisoqatigiiffiat (MR-A), Nunani Avannarlerni Ministerit aningaasaqarnerit pillugit Siunnersuisoqatigiiffiat (MR- Finans), Nunani Avannarlerni Ministerit aalisarneq, immami tukertitsisarnerit, nunalerinerit, inuussutissat aamma orpippassualerinerit pillugit Siunnersuisoqatigiiffiat (MR-FJLS), Nunani Avannarlerni Ministerit naligiissitaaneq pillugu Siunnersuisoqatigiiffiat (MR-JAM), Nunani Avannarlerni Ministerit kulturi pillugu Siunnersuisoqatigiiffiat (MR-K), Nunani Avannarlerni Ministerit inatsisit pillugit suleqatigiinnermut Siunnersuisoqatigiiffiat (MR-LAG), Nunani Avannarlerni Ministerit avatangiisit silalu pillugit Siunnersuisoqatigiiffiat (MR-MK), Nunani Avannarlerni Ministerit isumaginninnermut peqqissutsimullu Siunnersuisoqatigiiffiat (MR-S).

Nunani Avannarlerni Ministerit Siunnersuisoqatigiiffiat tassaapput Kalaallit Nunaanni Naalakkersuisut aamma Nunani Avannarlerni atorfilittat pillugit komitet tassaapput Namminersorlutik Oqartussani atorfilittat.

Kalaallit Nunaata Nunani Avannarlerni Ministerit Siunnersuisooqatigiiffianni peqataanera
Kalaallit Nunaat Nunani Avannarlerni Ministerit Siunnersuisoqatigiiffiannut peqataavoq, tassani kalaallit siunnersuutinik tunniussaqarsinnaapput oqaaseqarsinnaatitaallutillu. Tamatuma saniatigut kalaallit Nunani Avannarlerni pisortat suliffeqarfiutaanni siulersuisunut ilaasortaasinnaapput aamma Naalakkersuisut Nunani Avannarlerni Ministerit Siunnersuisoqatigiiffiata aamma atorfilittat komiteanni ataatsimiinnerni aqutsisuusinnaapput.

Nunani Avannarlerni Ministerit Siunnersuisoqatigiiffiannit tapersersorneqarluni Nunanut Allanut Naalakkersuisoqarfik Ministerit suleqatigiissut aamma Nunani Avannarlerni Suleqatigiinnermut komitemi sulinerannut Naalakkersuisut suleqataanerat ataqatigiissaarpaa. Kalaallit Nunani Avannarlerni Ministerit Siunnersuisoqatigiinni aamma atorfilittat komiteanni ataasiakkaani peqataanerat Naalakkersuisoqarfiit attuumassuteqartut isumagisaraat.

2007-imi Nunani Avannarlerni Ministerit Siunnersuisoqatigiiffiata (ministerit suleqatigiissut) suliniutit pillugit nassuiaat akueraat, taassuma Namminersorlutik Oqartussat (Kalaallit Nunaanni, Savalimmini aamma Ålandimi) suliassaqarfiisa Nunani Avannarlerni pisortatigoortumik suleqatigiinnerit - Ålandimi isumaqatigiissut - nukittorsarsinnaavai. Åland, Savalimmiut Kalaallit Nunaallu ataatsimiinneri peqataasinnaatitaapput oqaaseqarsinnaatitaallutillu, kisianni pisortatigoortumik taaseqataasinnaanngillat.

Nunani Avannarlerni Ministerit Siunnersuisoqatigiiffiata 2030-mut takorluugai
Nunani Avannarlerni Ministeriunerit 2019-imi Nunat Avannarliit nunarsuarmi piujuartitsinerpaajunissaat aamma nunat immikkoortuini peqataatinneqarnerpaanissaat akuersissutigaat. 2030-mut takorluugaqarnitsigut aamma siunnerfeqarluartumik pingaarnersiuinitsinni pingasuusuni sammisat tullinnguuttut makku immikkut qitiutinneqarput:

Nunat Avannarliit nukissiuutinik ataavartunik atuisut – Peqatigiilluta inuiaqatigiit nukissiuutinik ataavartunik atuilernerannik aamma CO2-mik mingutsitsinnginnissaq kiisalu uumassuseqartunik nungusaataanngitsumillu kaaviiaartitsinikkut aningaasaqarnermik ingerlatsissanissamik sulissutiginninneq.

Nunat Avannarliit unammillersinnaasut – Nunani Avannarlerni nukissiuutinik ataavartunik atuileriartorneq ilisimasanik, nutaaliornernik, allanngorsinnaassusermik qarasaasiatigullu peqataatitsinernik tunngavilik.

Nunat Avannarliit isumaginninnikkut piujuartitsisut
– nunap immikkoortua ataatsimut naleqartitanik aamma kulturikkut paarlaasseqatigiinnernik atugarissaarnernillu nukittorsakkanik peqataatitsisut, naligiissitsisut ataqatigiissitsisullu.

Nunat Avannarliit Ministeriisa Siunnersuisoqatigiiffianni takorluugaq siunnerfeqarluartumillu pingaarnersiunerit ersarinnerusumik paasiuminarnerusumillu aqutsinernik malitseqarput. Siunissaq ungasinnerusoq eqqarsaatigalugu siunnerfeqarluartumik periutsitut pingaarnersiukkat ukiuni sisamani allanngussanngillat Nunallu Avannarliit Ministeriisa Siunnersuisoqatigiivi missingersuutaannut suliannullu aqutsisuussallutik.

Nunani Avannarlerni Ministerit Siunnersuisooqatigiivisa nittartagaanut innersuussissut