Nunatsinni Ilisimatusarnermik Siunnersuisoqatigiit – NIS

Ilisimatusarnermut siunnersuisarneq ilisimatusarnermullu aningaasaliisarneq pillugit Inatsisartut inatsisaat nr. 5, 29. november 2013-meersoq Nunatsinni Ilisimatusarnermik Siunnersuisoqatigiinnut inatsisitigut tunngaviuvoq, atuutilersoq jannuaarip aallaqqaataa 2014.

Siunnersuisoqatigiit
Nunatsinni Ilisimatusarnermik Siunnersuisoqatigiit nuna tamakkerlugu namminersorluni Nunatsinnut iluaqutissanngorlugu kattuffiuvoq, taamaammat siunnersuinermini ingerlanerminilu Naalakkersuisunit ilitsersorneqartussaanani.

Nunatsinni Ilisimatusarnermik Siunnersuisoqatigiit ilisimatusarnermik sammisanit ukuninnga tamarmiusunit aallartitaqarfeqarput: pinngortitalerineq, peqqissusilerineq, inuiaqatigiilerineq, inulerineq (humaniora) periusissiornerlu (teknologiilu).

Ilaasortat arfineq-pingasuusut ukiut pingasukkaarlugit toqqarneqartartut ukiumut minnerpaamik immikkut ataatsimeersuartarput. Ilisimatusarnermik Siunnersuisoqatigiit namminneerlutik Suleriusissamik najoqqutassiortarput.

Naalakkersuisut siunnersuisoqatigiit siulittaasuat ilaasortallu inuttut piginnaasaat toqqammavigalugit toqqartarpaat isumaqarlunilu ilaasortat ataasiakkaat suliaminnut tunngasumik piginnaasaat misilittagaallu aallaavigalugit toqqarneqartartut.

Siulittaasup tullia ivertitsilluni ataatsimeeqqaanermi qinerneqartarpoq.

Ilaasortaq kingusinnerusukkut atorfimminik allannguinermini namminerisamik ilaasortaanini attatiinnarsinnaavaa.

Ilaasortap siunnersuisoqataatinneqarnerminit tunuaruni Naalakkersuisut piffissami kingullermi innersuussanit toqqaassapput. Ilaasortanngortinneqartoq siunnersuisuuffimmi ukiut pingasuusut qaangiunnissaata tungaanut siunnersuisoqataatinneqassaaq.

Siunnersuisoqatigiit PhD aamma PostDoc suliffeqarfimmilu PhD-nut, Ilisimatusarnermik Siuarsaanermik aningaasaliissutinik qinnuteqaatinik naliliisarpoq, ilanngullugu Ilisimatusarnermik Siuarsaanermiit ilisimatusarnermik aningaasaliissutinik agguaasarluni.

Siulittaasoq: Josephine Nymand, ph.d.. Immikkoortortami pisortaq, Pinngortitaleriffik
e-mail: jony@natur.gl
Tlf. nr.: +299 36 12 34

Ilaasortat:
  • Morten Meldgaard, Phd, Dr. phil. Professori, Ilisimatusarfik
  • Christian Koch Madsen, Phd, Nunatta Katersugaasivia Allagaateqarfialu
  • Christian Wennecke, Cand, Scient, Adm, HD-O, Greenland Business A/S
  • Eva Mätzler, M.Sc., Asiaq
  • Gert Mulvad, MD, GP. Doctor h.c., Dronning Ingridip Peqqissaavia, Kalallit Nunaanni peqqissusermik ilisimatusarfik
  • Aviaja Lyberth Hauptmann, Phd, Postdoc, Kalallit Nunanni peqqissusermik ilisimatusarfik
  • Thomas Ingeman-Nielsen, Phd, DTU Arctic, ARTEK Campus Sisimiut
Allatseqarfik
Allatseqarfik Pinngortitamut, Avatangiisinut Ilisimatusarnermullu Naalakkersuisoqarfimmit isumagineqarpoq.

Allatseqarfiup Ilisimatusarnermik Siunnersuisoqatigiit ingerlaneranni ilisimatusarnermi siunnersuinermut aningaasaliinermullu inatsit eqquutsinnissaanut isumannaassavaa, suliamilu ilagaat Nunatsinni ilisimatusarnermi suliniutinik ataqatigiissaarineq pingaarnersiuinerlu, Nunatsinni nunanilu allani ilisimatusarnermi suleqatigiinneq nukittorsarlugu, ilanngullugu Nunatsinni ilisimatusarneq pillugu akunniliulluni paasititsiniaaneq annertusarlugu.

Allatseqarfiup Siunnersuisoqatigiinnik tapersersuinissaq pingaarnertut suliassaraa tamatumanilu ilisimatusarnermi politikkikkut anguniakkat pingaarnerit piviusunngortinniassallugit. Allatseqarfik Siunnersuisoqatigiit iluanni, ilisimatusarnermik suliaqartuni tamanilu attaveqaatitut ingerlassaaq.

Allatseqarfiup namminersortup Naalakkersuisoqarfimmiiffigisaanit Siunnersuisoqatigiit atassuteqarfigisaannit sullinneqarput. Allatseqarfiup suliassai annertussusaalu pillugit Siunnersuisoqatigiit naalakkersuisoqarfiullu isumaqatigiissutaanni nassuiarneqarsimapput.

Attavissaq:
Nunatsinni Ilisimatusarnermik Siunnersuisoqatigiit Allatseqarfia
Allatsi Maliina Jensen
Mail: nis@nanoq.gl
Oq: +299 321200
Toqq: +299 261255

Web: www.nis.gl

Najugaq:
c/o Pinngortitaleriffik - Greenland Institute of Natural Resources
Pikialaarfik, lokale 317
Kivioq 5
PO box 570,
3900 Nuuk