ASN-ip tusarniaassutigineqarneranut ilitsersuut

Avatangiisinut Aqutsisoqarfiup video una suliaraa aatsitassarsiorfiit sooq ASN-imik nassuiaasiortartussaanersut (Avatangiisinut Sunniutaasussanik Naliliineq) naatsumik nassuiarniarlugu.

Video ASN-imut tunngatillugu suliat ingerlanerinut imarisassaanullu piumasaqaatinut paasinninnissamut iluaqutaassaaq, taamaalilluni soqutiginnittut Dundas Titanium A/S-ip ASN-imut missingiutaanut isummersornissaminnut periarfissaqarniassammata.

Ingerlatseqatigiiffiup aatsitassarsiornissani qanoq ingerlanniarnerlugu ASN-imi nassuiassavaa, tassani ilanngullugit avatangiisinut sunniutaasussatut ilimagineqartut.

Ingerlatseqatigiiffiup ASN-imi nassuiassavaa teknologiimik avatangiisinut ajoqutaanngitsunik, periutsinik pitsaanerpaanik pakkersimaarutaasinnaasunillu atuinermigut qanoq ililluni avatangiisinut sunniutaasinnaasut killilersimaarniarnerlugit, soorlu Aatsitassanut Ikummatissanullu inatsimmi taama aalajangersarneqarsimasoq.

Avatangiisinut mingutsitsisinnaasut killilersimaarniarlugit pakkersimaarutaasinnaasutut iliuusissat atugassarititaasutut aalajangersakkanut (avatangiisinut piumasaqaatit) ilanngunneqassapput ingerlatsinissamik akuersissummi (pilersitsinermut ingerlatsinermullu) tulliuttussami.

Taamaattumik atugassarititaasunik aalajangersakkat oqaasertalersornissaannut ASN tunngaviussaaq aalajangersakkallu taakku avatangiisinut sunniutaasussat killilersimaarniarlugit ingerlatseqatigiiffiup malitassaralugit.