Nunalerineq pillugu Nakkutilliinermut Ataatsimiititaliaq

Nunalerineq pillugu Inatsisartut inatsisaat nr. 5, 1996-imeersoq naapertorlugu kommunini nunalerinermik ingerlatsiffiusuni nakkutilliinermut ataatsimiititaliaqassaaq, taassumalu nunalerineq nakkutigisassaraa.

Nakkutilliinermut ataatsimiititaliat suleqatigalugit Nunalerinermik Siunnersorteqarfik ingerlatsineq pillugu naliliinissamut nunalerinermik ingerlatsiffimmiit paasissutissanik katersisassaaq. Nunalerinermik Siunnersorteqarfimmit inassuteqarnikkut nakkutilliinermut ataatsimiititaliaq ajornartorsiuteqartoqarnerani nunalerisunik nakkutilliiartorlutik tikeraarsinnaapput. Aalajangersimanngitsumik toqqakkat nunalerinermik ingerlatsiviit ukiumoortumik tikeraarneqartarput, taamaattorli nunalerinermik ingerlatat ajornartorsiuteqarfiusut salliutinneqartarput.

Ataatsimiititalianut ilaasortat kommunimi ingerlatsivinnit kommunimit toqqarneqartunik ilaasortanik aamma SPS-imit toqqarneqartunik ilaasortanik katitigaapput. Kommunit nakkutilliinermut ataatsimiititaliani ilaasortaatitaasa amerlanerussuteqarnissaat piumasaqaataavoq . Pisariaqarnerani ataatsimiititaliani suliamik ilisimasallit pisariaqartut taasisinnaatitaanatik ilaasortaasinnaapput, assersuutigalugu uumasut nakorsaat.
Nakkutilliinermut ataatsimiititaliat Naalakkersuisunut ukiumoortumik nassuiaasiortassapput.

Ataatsimiititaliani ilaasortassat kommunimit pineqartumit aamma SPS-imit inassutigineqartassapput, tamatumalu kingorna ilaasortat Nunalerinermut Naalakkersuisumit akuerineqassapput, ataatsimiititaliarlu ukiut sisamakkaarlugit atuuffeqartarpoq.

Nunalerinermik Siunnersorteqarfik ataatsimiititalianut allatseqarnermik ikiorsiisarpoq, ataatsimiititalianillu attaveqarnerit aamma siunnersorteqarfik aqqusaarlugu pisinnaavoq, uku atorlugit info@nunalerineq.gl imaluunniit +299 64 23 06.

Kommune Kujallermi nakkutilliinermut ataatsimiititaliaq
Kommune Kujallermi nakkutilliinermut ataatsimiititaliaq ukunanit ilaasortaaffigineqarpoq;
  • Benjamin Kielsen, Kommune Kujalleq
  • Stine Egede, Kommune Kujalleq
  • Mari S. Abelsen, Kommune Kujalleq
  • Siiku Bjerge, SPS
  • Andala Lund, SPS
Kommunimit sinniisuutitatut ilaasortat 2017-imi kommuninut qinersereernermi toqqarneqarput, SPS-imiillu ilaasortat 2019-imi SPS-ip ataatsimeersuarnerani toqqarneqarlutik.

Kommuneqarfik Sermersuumi nakkutilliinermut ataatsimiititaliaq.
Kommuneqarfik Sermersuumi nakkutilliinermut ataatsimiititaliaq ulloq 24. oktober 2019 pilersinneqarpoq, ukulu ilaasortaapput;
  • Klaus Møller, Kommuneqarfik Sermersooq
  • Tittus Dalager, Kommuneqarfik Sermersooq
  • Finn Karlsen, SPS