Nunalerinermik Siunnersorteqarfik

Kalaallit Nunaanni nunalerinerup ineriartornerani tapersersuinissamik siunertaqartumik nunalerinerup tungaatigut siunnersuisarneq Nunalerinermik Siunnersorteqarfimmit isumagineqartarpoq. Naalakkersuisunik ukiumoortumik anguniagassatut isumaqatigiissut tunngavigalugu Nunalerinermik Siunnersorteqarfik assigiinngitsunik siunnersuusiortarpoq. Sulianut attuumasutilinnik siunnersuinerit suliamut siunnersortinit, naatsorsuutinut siunnersortimit aamma SPS-ip siunnersortaanit ingerlanneqartarput.

Nunalerisup siunnersorteqarfimmik attaveqarneranik suliassamillu aalajangersimasumik ikiorneqarnissamik qinnuteqarneranik siunnersuineq tunngaveqartarpoq. Siunnersuineq nunalerisut Qaqortumi allaffeqarfimmut tikeraarnerani ingerlanneqartarpoq, aammattaarli soorunami oqarasuaatikkut e-mailikkulluunniit attaveqarnikkut pisinnaalluni.

Nunalerisut piumasaqarnerisigut siunnersortit siunnersuillutik suliassaminnut atatillugu nunalerisunut tikeraartarput, piffissaalluartilluguli siunnersortit attavigisariaqarput. Naatsorsuutinik suliaqarneq ilanngunnagu suliamut tunngasutigut siunnersorneqarneq akeqanngilaq.

Nunalerinermik Siunnersorteqarfik Naalakkersuisunut ukiumut suliat pillugit ukiumoortumik nalilersuinermik nalunaaruteqartassaaq, kiisalu ukiup affakkaartumik missingersuutit pillugit malitseqartitsisassalluni.
Nunalerinermik suliatigut tunngasunik aamma aningaasaqarnikkut siunnersorneqarnissamik ikiorserneqarnissamillu kissaateqartoqarpat Nunalerinermik Siunnersorteqarfimmi siunnersuisartut najukkanut ukununnga attavigineqarsinnaapput.

Nunalerinermut Siunnersorteqarfik.

Anders Olsensvej B-1348
Postbox 153
3920 Qaqortoq
+299 64 23 06
E-mail: info@nunalerineq.gl,
Nittartagaq www.nunalerineq.gl

Ullormut ammasarfiit:

Ataasinngornermi: 08.00-16:00
Marlunngornermi: 08.00-16:00
Pingasunngornermi matoqqasarpoq
Sisamanngornermi: 08.00-16:00
Tallimanngornermi: 08.00-16:00