Nunalerinermut immikkoortortaqarfik Nunalerinermi ineriartornermut periarfissat isumannaarnissaat aamma tamatuma aqutsinermi piujuartitsinermik tunngavilernissaa siunertaralugu, nunalerinermut immikkoortortaqarfiup nunalerinermik inuussutissarsiuteqarnermut allaffissornikkut ingerlatsineq aamma aqutsineq isumagisaraa, imaaliornikkut: nunalerinermik inuussutissarsiornerit tulluartumik ineriartornerisa isumannaarnissaanut, kiisalu inuussutissarsiutit taakku unammillersinnaassusiisa annertusarnissaannut, naatsitsiviit, ivigartorfiusartut taakkununngalu attuumassutillit nunaminertat naleqartut mianerinerisigut, taamaalillutik avatangiisinut mianerisariaqakkat aamma nunalerinermi inuussutissarsiutitigut soqutigisat, tassungalu atatillugu allatigut inuussutissarsiornermik ingerlatat illersorneqarsinnaassammata, nunaminertat nunalerinermi isumalluutit piujuartitsineq tunngavigalugu atugaanissaasa isumanaarneqarniarnerisigut, aamma uumasuutinut pitsaasumik atugaqartitsinissap isumannaarneqarniarneratigut. Nunalerinermut immikkoortortaqarfik attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfiup pisortatigoortumik mailia atorlugu, apnn@nanoq.gl, imaluunniit Naalakkersuisunut oqarasuaat pingaarneq atorlugu +299 34 50 00. Nunalerinermut immikkoortortaqarfik ullut tamaasa nal. 10-14 oqarasuaatikkut attavigineqarsinnaavoq, taamaattorli pingasunngornikkut saaffiginnissutinut matoqqasarluni.