Nunalerineq

Nunalerinermut immikkoortortaqarfiup suliarai nunalerinermi ineriartortitsinissamut periarfissat aamma piujuaanartitsinermik tunngaveqarluni aqutsinissamut tunngavissiinissap qulakkeerneqarnissaa, tassungalu atatillugu allaffissornikkut aamma aqutsinikkut suliassartai:

1) nunaateqarnermi inuussutissarsiutit naleqquttumik ineriartortinneqarneri qulakkeernissaa aamma inuussutissarsiummi unammillersinnaaneq nukittorsarneqarnissaa,

2) nuna naggorissarneqarsinnaasup, nunat ivigartorfiit taakkununngalu atatillugu nunat isikkuinut nalillit paarilluarneqarnissaat, taamalu avatangiisit aamma nunaateqarnermi inuussutissarsiutip aningaasaqarnikkut soqutigisai isumagineqarnissaat, tassunga ilanngullugu inuussutissarsiutigalugu suliffeqarfinnut allanut aamma

3) nunaateqarnermi nunaatinik pisuussutinik atuinermi piujuaannartitsinermik tunngaveqarluni atuinissap qulakkeerneqarnissaa, aamma

4) nersutaatit naammaginartumik atugaqartinneqarnissaasa qulakkeerneqarnissaa.