Pisassanik agguaaneq

Avataasiorluni aalisakkat aalajangersimasut pisassiissutigineqarnerisa agguataarneqarnerini tunngaviit

Piumasaqaataasut akuerineqartut; Aalisarsinnaanermut akuersissutit pisassiissutillu pillugit Namminersorlutik Oqartussat nalunaarutaat nr. 47, 18. December 2020-meersoq, tunaartaralugit pisassiissutit agguataarneqarput.
  1. Pisassiissutit siullermik aalisariutaatileqatigiiffinnut ukiuni siusinnerusuni taakkuninnga pisassaqarsimasunut agguaanneqassapput.
  2. Imm. 1, nr. 2 naapertorlugu agguaassereernerup kingorna pisassiissutit sinneqassagaluarpata, taakku siullermik aalisariutaatileqatigiiffinnut pioreersunut allanut amerlanerusunik pisassaqarsinnaanermik pisariaqartitsisinnaasunut agguaanneqassapput.
    a) Imm. 1, nr. 2 naapertorlugu pisassiissutit agguaanneqarneranni pisassiissutit nalingi aallaavigineqassapput, taamatullu aamma siullermik aalisariutaatileqatigiiffiit aningaasaqarniarnikkut imminnut napatissinnaanerisa qularnaarneqarnissaa, kiisalu aalisariutaatileqatigiiffiit pioreersut akornanni nalillit naligiinnerusumik agguataarneqarnissaat isiginiarneqassallutik.
  3. Aalisariutaatileqatigiiffinnut nutaavinnut pisassiisoqassanngilaq, taakku ukioq ilivitsoq aningaasaqarniarnikkut imminut napatissinnaasumik aalisarsinnaanissaat qularnaarneqarsinnaanngippat.
Aalisarsinnaanermut akuersissutit pisassiissutillu pillugit nalunaarummi § 3, imm. 3-mi ima oqaasertaqartumut innersuussisoqarpoq:

Imm. 3. Aalisarsinnaanermut akuersissummik tunniussinermi aalisagaqatigiinnut pisassiissutinik aalajangersaanermi pineqartunik naliliinermik, qinnuteqartut tamarmiusut amerlassusiinik § 12-ilu naapertorlugu Naalakkersuisut agguaassinermi piumasaqaataanik tunngaveqassaaq.

2021-imut aalisagartassiissutit