Piniarneq pillugu siunnersuisoqatigiit

Piniarneq pillugu siunnersuisoqatigiit Piniarneq aallaaniarnerlu pillugit Inatsisartut inatsisaat nr 12, 29 oktober 1999-imeersoq naapertorlugu pilersinneqarsimapput. Inatsimmi pineqartumi § 16 napertorlugu Naalakkersuisut suliassani inatsimmi pineqartuni Piniarneq pillugu Siunnersuisoqatigiit tusarniaavigissallugit pisussaapput. Piniarneq pillugu Siunnersuisoqatigiit suleriaasissaminnik Naalakkersuisunit akuerineqartussamik suliaqassapput.

Piniarneq pillugu Siunnersuisoqatigiit siunnersuisartutut inissisimapput, tassanilu piniarnermut aallaaniarnermullu tunngatillugu ajornartorsiutit tassanilu ineriartorneq eqqartorneqartarlutik tamatumalu saniatigut pisuussutinik uummassusilinnik aqutsineq eqqartorneqartarluni. Siunnersuisoqatigiit taamaasillutik piniarnermut allaaniarnermullu suliniutissat pillugit namminneerlutik oqaaseqaateqarsinnaapput pineqartoq pillugu Nalaakkersuisunut oqaaseqaateqarnissaq siunertaralugu. Piniarneq pillugu Siunnersuisoqatigiit suleriaasiat naapertorlugu siunnersuisoqatigiit siulittaasuat siunnersuisoqatigiit sinnerlugit sammineqartoq pillugu tamanut oqaaseqarsinnaatitaavoq.

Kalaallit Nunaanni pisuussutit uumassusillit ineriartorneri aqunneqarnerilu eqqarsaatigalugit pitsaasumik sullissisinnaanissaq siunertaralugu Piniarneq pillugu Siunnersuisoqatigiit ilaasortaqartinneqassaaq. Pisuussutit uumassusillit piniarneqartarneri, aallaaniarneqartarneri aqunneqartarnerilu eqqartorneqassatillugit Siunnersuisoqatigiit ilisimasatik aallaavigalugit ikiuisarsinnaapput. Suliassat aalajangersimasut erseqqissumik allaaserineqarsimasut suliarineqassatillugit Piniarneq pillugu Siunnersuisoqatigiit ataani ataatsimiititaliamik pilersitsisoqarsinnaavoq.

Katitigaaneq.
Piniarneq pillugu Siunnersuisoqatigiit soqutigisaqaqatigiinnit oqartussanillu makkunanit aallartitanit inuttaqartinneqarpoq: Kalaallit Nunaanni aalisartut piniartullu kattuffiat (KNAPK) sinnerlugu ilaasortat marluk kommunillu sinnerlugit ilaasortat marluk: Tapertaralugu Piniartartut Aalisartartullu Kattuffiat (TPAK) sinnerlugu ilaasortaq ataaseq. Siunnersuisoqatigiinni allatseqarfik Aalisarnermut, Piniarnermut Nunalerinermullu Naalakkersuisoqarfimmit (APNN) isumagineqarpoq.

Piniarnermi aallaaniarnermullu tunngatillugu oqaaseqaatit.
Piniarneq aallaaniarnerlu inatsimmi § 2, imm 3-4, § 4, § 7, imm 1-2 kiisalu §§ 9-10 naapertorlugu Piniarneq pillugu Siunnersuisoqatigiit tusarniaaffigineqartarnissaat Naalakkersuisut pisussaaffigaat.