Akiuliteqarluni aallaaniarneq

Takornarissat aamma Nunatsinni najugallit, ilisimasortaqarluni piniarnissamik kissaateqartut, Kalaallit Nunaanni tammajuitsussarsiniarluni piniariarnissamut periarfissaqarput. Tamanna aallaaniartitsinernut aaqqissuinissamut akuerisaasunut akiliillutik tammajuitsussarniarluni piniarnikkut pisinnaalluni.

Ullumikkut Kalaallit Nunaanni akiliisitsilluni piniartitsinernik aaqqissuussisartut akuerisaasut 30-t missaanni amerlassuseqarput. Piniartitsinerit annertunerusumik Kangerlussuarmi ukiuunerani umimmannik tammajuitsussarsiniarluni qimussimik piniartitsineq ingerlanneqarpoq. Aasakkullu nalinginnaasumik umimmanniarnermik tuttunniarnermillu ingerlanneqarluni. Tammajuitsussarsiniarluni piniartitsinerit aamma Naternami Nunatta kitaaniittumi ingerlanneqartarpoq, kujataani Ivittuttuut eqqaani kiisalu Tunumi Ittoqqortoormiuni. Nuup eqqaani tammajuitsussarsiniarluni piniartitsinissamik aamma periarfissaqarpoq. Nunatta sinnerani akiliisitsilluni piniartitsinermik aaqqissuussisartunik aallarniisoqassanersoq apeqqutaalluni aamma periarfissaqarpoq.

Akiuliteqarteqarluni piniartitsinernik aaqqissuussinerit angalatitseqatigiiffiit assigiinngitsut imaluunniit tammajuitsussarsiniarluni piniartitsinernik aaqqissuussisartut ataasiakkaat suleqatigalugit neqeroorutigineqartarput. Tammajuitsussarsiniarluni piniarnissamik kissaateqaruit piumasaqaatit assigiinngitsut naammassisimasariaqarpatit. Nittartakkami Inuutissarsiutit / Piniarneq aallaaniarnerullu ataani Nunatsinni akiliilluni piniarnissamut piumasaqaatit sukumiinerusumik atuarsinnaavatit. Link: Nittartakkami uani aasinnaavat: Inuutissarsiutit/Piniarneq aallaaniarnerlu/Akiuliuteqarluni piniarneq.

Inatsisiliorneq
Piniarneq allaaniarnerlu pillugit Inatsisartut inatsisaat nr. 12, 29. Oktober 1999-imeersumi piniarsinnaanermut aallaaniarsinnaanermullu najoqqutassat aalajangersaavigineqarput, kiisalu akiliuteqarluni piniarsinnaanermut malittarissasassat.

Akiliuteqarluni aallaaniarneq aalisarnerlu pillugit Namminersornerullutik Oqartussat nalunaarutaat nr. 22, 19. august 2002-meersumi akiuteqarluni aallaaniartitsilluni aaqqissuussinernut malittarisassat piumasaqaatillu sukumiinerusumik aalajangersaavigineqarput, kiisalu akiliuteqarluni aallaaniartitsinermik suliaqarnermut atatillugu piumasaqaatit.