Isumasioqatigiinneq akiitsut akiitsunillu akilersuisarneq pillugu workshopilu pisortanik ikiorsiissutinut tunngasoq

Pisortanit ikiorsiissutinut tunngatillugu aaqqissuusseqqinnermut anguniagassat pillugit isumasioqatigiittoqarpoq aammalu akiitsut akiitsunillu akilersuisarneq pillugu workshopertoqarluni ulluni ukunani 22. aamma 23. oktober 2016

Aningaasaqarnermut Naalakkersuisoqarfik Ilaqutariinermut, Naligiissitaanermut Isumaginninnermullu Naalakkersuisoqarfik peqatigalugui isumasioqatigiisitsipput workshopertalimmik ulluni ukunani 22. aamma 23. oktober 2016 nuummi

Pisortat ikiorsiisarnerat pillugu aaqqissuusseqqinnissamut tunngasumik isumaqasioqatigiinneq ilaatigut pisariaqartitanut, anguniakkanut, naleqqanullu kiisalu immikkoortut ukkatarisat aaqqissuusseqqinnissami aggersumi sammisaqarfiussaaq, taannalu ilaatigut naalakkersuisooqatigiinnermik isumaqatigiissummik aallaaveqarlunilu, ilaatigut Napatitsinissamut Siuariartornissamilu pilersaarummi pineqartoq pillugu kaammattuutinik aallaaveqassaaq.

Akiitsut akiitsunillu akilersuineq pillugu allaffissornikkut workshopertitsisoqarpoq, taannalu aalajangiiffissatut siunnersuummut, inuit aningaasanik akiitsoqartut siunnersuiffigineqartarnissaannik ikiorneqartarnissaannillu isumaginnittumik suliffeqarfimmik pilersitsinissamik periarfissamik naliliillunilu  naapertuuttuunera pillugu Naalakkersuisut nalunaarusiornissamik peqquneqarnerannik aalajangiiffigisassatut siunnersuummik malitseqartitsineruvoq.

Akiitsut akiitsunillu akilersuineq pillugu nalunaarusiaq tusarniaassutigineqarnerata kingorna, workshopillu ingerlatereernerani, tassannga kaammattuutit ilaatinneqarsinnaaqqullugit, novembarimi Inatsisartunut saqqummiunneqarpoq.

Isumasioqatigiinnissamut workshopimullu pilersaarut

Pisortanit ikiorsiissutit pillugit iluarsartuusseqqinnissamut isumaliutersuutit pillugit oqaaseqaat

Akiitsut akitsunillu akilersuineq pillugit nalunaarusiaq 2016 missingiut 27. september 2016-imeersoq

Arfininngorneq 22. oktoberi 2016

Aningaasaqarnermut Aatsitassanullu Naalakkersuisup Randi Vestergaard Evaldsenip oqalugiaataa

Inuutissarsiornermut, Suliffeqarnermut Niuernermullu Naalakkersuisup Vittus Qujaukitsup oqalugiaataa

Ilaqutariinnermut, Naligiissitaanermut Isumaginninnermullu Naalakkersuisup Martha Lund Olsenip oqalugiaataa

Jess G. Berthelsenip SIK-imiit oqalugiaataa