Aningaasaqarnermut Siunnersuisoqatigiit Aningaasaqarnermut Siunnersuisoqatigiit siulittaasoqarfia Kalaallit Nunaata aningaasaqarnera pillugu Naalakkersuisunut pituttorsimanngitsumik misissueqqissaartarput. Aningaasarsiornikkut pissutsit kiisalu aningaasaqarnermut politikip ingerlanneqartup atasinnaassusaanik ingerlaavartumik nalilersuinissat Aningaasaqarnermut Siunnersuisoqatigiit suliassarivaat. Naalakkersuisut Aningaasaqarnermut Siunnersuisoqatigiit 2009-mi pilersippai. Aningaasaqarnermut Siunnersuisoqatigiit Siulittaasoqarfiat arfinilinnik ilaasortaqarpoq. Siulittaasoqarfik siulittaasoqarpoq, siulittaasup tulleqarluni taavalu sisamanik allanik ilaasortaqarluni, ilaasortat tamarmik Naalakkersuisunit toqqarneqartarput. Aningaasaqarnermut Siunnersuisoqatigiit saniatigut aamma soqutigisaqaqatigiinnik allanik ilaasortaqarput, soorlu Naalakkersuisut allaffeqarfii aamma ilisimatusarfiit. Soqutigisaqaqatigiit aamma ilisimatusarfiit ilaasortatik nammineq toqqartarpai. Naalakkersuisut ilaasortat allat toqqartarpai. Aningaasaqarnermut Siunnersuisoqatigiit nalunaarutinut aamma allakkianut allanut oqaaseqaateqarsinnaapput, kisianni Siulittaasoqarfik kisimi allakkiat imarisaannut akisussaavoq. Aningaasaqarnermut Siunnersuisoqatigiit uani attavigineqarsinnaapput: oer@nanoq.gl Nalunaarusiat saqqummiussinerillu allat Isumasioqatigiinnerit