Akiitsut akiitsunillu akilersuineq pillugit nassuiaat

Februaari 2017

Akiitsut akiitsunillu akilersuineq pillugit nassuiaat

Akiitsut akiitsunillu akilersuineq pillugit nassuiaat una, siunnersuisoqarfimmik inunnik akiitsoqartunik siunnersuisinnaasumik ikiuisinnaasumillu pilersitsinissamut periarfissat pillugit nassuiaasiornissaq pillugu Naalakkersuisut peqquneqarnissaat pillugu UKA 2015-imi aalajangiiffigisassatut siunnersuummut malittareqqiineruvoq. Siunertaasussaq tassaavoq akiitsut akilersorniarlugit immikkut ilisimasallit ikiortigalugit akiitsoqartunik akeqanngitsumik siunnersuisarnissaq.
Nassuiaatittaaq ersersinniarpaa inuiaqatigiinni akiitsoqarnerup annertuup tunngavii annertunerusumik isiginninnerulluni, taakkunani isertitaqatigiit sorliit akiitsoqarnersut, nunap suani najugaqarnersut kiisalu immikkoortumi inatsisinut ataqatigiinneranut agguataarlugit.