Nuna tamakkerlugu pilersaarusiortarnermut immikkoortortaqarfik

Nuna tamakkerlugu pilersaarusiortarnermut immikkoortortaqarfik

 Nunaminertanik atugassiisarnermut pilersaarusiortarnermullu inatsit atuutsinneqarpoq, sanaartugassallu pilersaarusiorneqarneri ataqatigiissaarneqartarlutik. Inatsit aammalu Namminersorlutik Oqartussat soqutigisaat naapertorlugit kommunimut pilersaarutissatut siunnersuutit immikkoortortaqarfimmi suliarineqartarput oqaaseqarfigineqartarlutillu, immikkoortortaqarfiullu NunaGIS naalakkersuisoqarfittut akisussaaffigaa. Tamatuma saniatigut pilersaarusiortarnermut inatsit naapertorlugu kommunit aalajangigaannut maalaarutit immikkoortortaqarfimmi suliarineqartarput, aammalu Kalaallit Nunaata Avannaarsuani Tunullu Avannaarsuani nunani eqqissisimatitani nunaminertanik atugassinneqarnissamut qinnuteqaatit suliarineqartarlutik. 

Nuna tamakkerlugu pilersaarusiortarnermut atatillugu paasisaqarnerusinnaavutit immikkoortortaqariup nittartagaani www.pilersaarusiorneq.gl