Ilisarnaammik unammisitsineq

Tunngaviusumik inatsisissaq pillugu Isumalioqatigiissitaq nunatta tunngaviusumik inatsisissaanik siunnersuusiortussaavoq.

Taakkunani aalajangersarneqassapput inuit pisinnaatitaaffii pisussaaffiilu, inuiaat pingaartitaat, aningaasaqarnermut tunngasut, pisortaqarfitsigut ingerlatsineq allarpassuillu.

Isumalioqatigiissitap ilisarnaatissaa ataqqeqatigiinnerup, inuiattut tulluusimaaruteqarnerup, kiisalu nunatta pissarititaanik ataatsimut piginnittussaanerup siuarsarnissaannik oqariartuuteqassaaq.

Siunnersuutit allattoqarfimmit tiguneqareersimassapput tallimanngorneq d. 13. oktober 2017.

Ajugaasoq 10.000,00 kr.-inik pinnassaaq.

 

Tunngaviusumik inatsisissaq pillugu Isumalioqatigiissitaq
Att.: Johan Lund Olsen, allattoqarfimmi pisortaq
Postboks 4034
3900 Nuuk

E-mail: jolo@nanoq.gl
Oqar.: 34 66 64, 55 54 85