Tunngaviusumik Inatsisissaq pillugu Isumalioqatigiissitaq

Tunngaviusumik Inatsisissaq pillugu Isumalioqatigiissitaq Naalakkersuisunit pilersinneqarpoq.

Tunngaviusumik Inatsisissaq pillugu Isumalioqatigiissitaq isumaliutissiissummik tunngaviusumik inatsisissamut missingersuusiummik suliaqassaaq, Kalaallit Nunaat namminersulerpat atuutilertussamik.

Tunngaviusumik Inatsisissaq pillugu Isumalioqatigiissitaq kingullermik Inatsisartunit qinersinerup kingorna partiinit ilaasortaatitaqalersunit innersuussinerit najoqqutaralugit Naalakkersuisunit toqqarneqartunik arfineq-marlunnik ilaasortaqarpoq.

Tunngaviusumik Inatsisissaq pillugu Isumalioqatigiissitaq ukiut affakkaarlugit Kalaallit Nunaata tunngaviusumik inatsisissaanut missingiutip suliarineqarnerata siuariartornera pillugu Naalakkersuisunut nalunaaruteqartussaatitaavoq.

Tunngaviusumik Inatsisissaq pillugu Isumalioqatigiissitap suliassani nammineq tulleriissassavai, tassunga ilanngullugit suleqatigiissitanik pilersitsisarnissat. Isumalioqatigiissitaq allattoqarfimmit isaqissuunneqassaaq, taakkulu Aningaasaqarnermut inatsit 2019 naapertorlugu kontomit pingaarnermit 20.01.13-mit aningaasaliivigineqarnissaat akuersissutigineqarput qulequtaqartumik Tunngaviusimik Inatsisissaq pillugu Isumalioqatigiissitaq - aammalu allattoqarfik.

Tunngaviusumik Inatsisissaq pillugu Isumalioqatigiissitap suliakkiissutinut najoqqutassiaa tallimanngornermi marsip 23-iani 2019 Isumalioqatigiissitaq pillugu Inatsisartuni Tunngaviusumik Inatsisissaq pillugu Ataatsimiititaliami tusarniaavigereerlugu Naalakkersuisunit akuerineqarpoq. Taannalu linkimi matumani nassaarineqarsinnaavoq.

Kalaallit Nunaanni Tunngaviusumik Inatsisissaq pillugu Isumalioqatigiissitap suliassaanut nassuiaatit

Tunngaviusumik Inatsisissaq pillugu Isumalioqatigiissitap suliassaasa nassuiarneqarneranni sinaakkutissatut piumasaqaatit