Urani pillugu paasisitsiniaaneq 2015

Ilisimatuut misilittagaqarluartut soorlu geologimi, avatangiisinut mianerinninnermi aatsitassarsiornermilu urani pillugu paasisitsiniaallutik Nanortalimmut, Qaqortumut, Narsamut aamma Qassiarsummut maajimi junimilu angalapput.

Kingornalu Maniitsumut, Nuummut, Paamiunut, Narsarsuarmut, Igalikumullu augustimi uranimik misissuineq piiaanerlu pillugu paasisitsiniaallutik angalapput. Tamanut ataatsimiisitsinerit siorna 2014-imi ataatsimiisitsinerit ingerlanneqarnerisut politikkerinit peqataaffigineqanngillat.

Inuussutissarsiornermut, Suliffeqarnermut, Niuernermut Nunanullu Allanut Naalakkersuisoq Vittus Qujaukitsoq, Aningaasaqarnermut Aatsitassanullu Naalakkersuisoq Anda Uldum aamma Pinngortitamut, Avatangiisinut Inatsiseqarnermullu Naalakkersuisoq Mala Høy Kúko urani pillugu paasisitsiniaalluni tamanut ataatsimiisitsinernut aggersaasuupput.

Tamanut ataatsimiisitsinerit politikkerinit peqataaffigineqanngillat. Tikinneqartuni innuttaasut uranimik misissuineq aamma piiaaneq pillugu paasisitsiaaffigineqarnissaat siunertaralugu tamanut ataatsimiisitsinerit aaqqissuunneqarput, .

Saqqummiisartut tassaapput ilisimatuut ukiorpassuarni susassaqarfimminni misilittagaqartut soorlu geologimi, avatangiisinik mianerinninnermi, qinngornernut tunngasuni aamma aatsitassarsiornermi.

Powerpointit atorlugit kalaallisut qallunaatullu saqqummiussisut oqalugiaateqartarput. Saqqummiinerit kingorna tusarnaartut ilisimatuunut apeqquteqarsinnaallutillu oqaloqateqarsinnaatitaapput.

Saqqummiussinerit:  

Tamanut ataatsimiisitsinernit imaqarniliortoqartarpoq ukunani: NanortalikNarsaq, Qaqortoq aamma Qassiarsuk.

Aamma Urani pillugu paasisitsiniaaneq 2014 takujuk 

Urani pillugu paasissutissat nalunaarusiallu aamma takusinnaavatit