Urani pillugu paasisitsiniaaneq 2014

GEUSimit aamma DCEmit ilisimatuut pingasut, Namminersorlutik Oqartussanut attuumassuteqanngitsutut pinngoqqaatinik radioaktiviusunik atuinermi ujarassiornermi aamma avatangiisinut sunniutinut tunngasunik siunnersuisartutut suleqatigineqartut Sisimiunut, Ilulissanut, Uummannamut, Aasiannut Kangerlussuarmullu paasisitsiniaallutik 2014-imi junip 16.-anniit 20.-annut angalapput.

Saqqummiussisut suliffeqarfinnit attuumassuteqaratik siunnersuisarnermik ingerlataqarfinneersuupput, tassaasut Danmarkimi Kalaallit Nunaannilu ujarassiuutut misissuisarfimmeersut (GEUS) aamma Aarhus Universitetemi (DCE), Danmarkimi avatangiisinut nukissiornermilu misissuisoqarfimmeersut. Ilisimatuullu ukiuni arlalinni suliaminni misilittagaqarluartuupput, ukuullutillu.: 

  1. Naalagaaffimmi ujarassiuutut soraarneq, Leif Thorning, GEUS
  2. Siunnersortaaneq, ujarassiooq Per Kalvig, GEUS
  3. Avatangiisit kemiiat pillugu ilisimatooq, Gert Asmund, DCE, Aarhus Universitet

Inatsisartuni uranimik akuersaanngilluinnarnissamik politikki 2013-imi ukiakkut atorunnaarsinneqarpoq, taamaattumillu urani pillugu paasisitsiniaanerit pisariaqartinneqalerput. Paasisitsiniaaneq uranimut akerliunermik akerliunnginnermulluunniit tunngatinneqanngilaq aamma politikkerinit peqataaffigineqarani, kisianni illoqarfinni tikinneqartuni urani pillugu aamma uranimik piiaanerup kingunerisinnaasai pillugit paasisitsiniaalluni saqqummiussisoqartarluni. Inuussutisarsiornermut Aatsitassanullu Naalakkersuisoq Jens-Erik Kirkegaard aamma Pinngortitamut Avatangiisinullu Naalakkersuisoq Kim Kielsen paasisitsiniaasoqarnissaanut suliakkiisuupput.

KNRimi tusagassiortoq aamma assiliisoq urani pillugu paasisitsiniaaffiit ilaannit filmeliorput. Sisimiuni, Ilulissani aamma Kangerlussuarmi paasisitsiniaalluni ataatsimiisitsinerit pillugit tv-ikkut aallakaatitassiussallutik. Naatsorsuutigineqarporlu aallakaatitassiat 2014-imi ukiakkut takutinneqarumaartut.  

Nunap sinnerani kingusinnerusukkut paasisitsiniaasoqarnissaa pilersaarutaavoq. 

Sumiiffinni tamani urani pillugu paasisitsiniaaffiusuni pilersaarutit assigiipput.

  1. Urani sumut atorneqarpa? Per Kalvig saqqummiisoralugu
  2. Avataarsuarmi nunarsuarmilu urani Leif Thorning saqqummiisoralugu
  3. Uranimik tunisassiorneq tamat  Per Kalvig saqqummiisoralugu
  4. Qinngornerit radioaktiviusut suuppat? Gert Asmund Saqqummiisoralugu
  5. Kalaallit Nunaanni urani Per Kalvig Saqqummiisoralugu
  6. Uranimik aatsitassarsiornermi avatangiisit v. Gert Asmund 

Ilisimatuut saqqummiussinerisa kingorna tusarnaartut erseqqissaassutinik apeqquteqartarput. Saqqummiussassallu tamakkerneqareernerini tusarnaartut apeqquteqarlutillu oqallittarput.

KNR TVip urani pillugu aallakaatitassiai tvikkut ukiaanerani aallakaatinneqarput, uanilu takuneqarsinnaallutik:

Urani pillugu innuttaasunut paasisitsiniaaneq immikkoortoq 1 Kalaallisut

Urani pillugu innuttaasunut paasisitsiniaaneq immikkoortoq 2 Kalaallisut

Aamma Urani pillugu paasisitsiniaaneq 2014 takujuk