Naalakkersuisut aamma danskit naalakkersuisuisa isumaqatigiissutaanik nalunaaruteqarneq

 

Naalakkersuisut aamma danskit naalakkersuisuisa atsioqqammerpaat isumaqatigiissutit arla-qartut, siunissami Kalaallit Nunaanniit uranimik piiaanermi avammullu niueruteqarnermi suleqatigiissutissat pillugit. Isumaqatigiissutini killiliussassat aalajangersarneqarput, qanoq Danmark-ip aamma Kalaallit Nunaata siunissami suleqatigiissutigissaneraat nunanut allanut, illersornissamut aamma sillimaniarnermut atatillugu pissutsit, uranimik piiaanermut avam-mullu niueruteqarnermut attuumassuteqartut.

Isumaqatigiissutitsigut qularnaarneqarput Kalaallit Nunaata aamma Danmark-ip nunarsuar-mioqatigiinnut pisussaaffiusut naammassisassaat, ilaatigut Nunarsuarmiut Atom-ip Nukinga-nut tunngatillugu suleqatigiiffiannut - Det Internationale Atomenergiagentur - imut atatillugu.

Uran-imut tunngatillugu isumaqatigiissutit uranimut atatillugu 2013-imi nalunaarusiami inas-sutigineqartut malitsigaat. Isumaqatigiissutit sisamaasut erseqqissaavigaat akisussaaffiit aam-ma suliassanik agguataarineq, danskit aamma kalaallit oqartussaasuisa akornanni, siunissami uranimik piiaanissamut avammullu niueruteqarnissamut atatillugu.

 

Isumaqatigiissutaasut ukuninnga imaqarput:

- Pingaarnertut suleqatigiinnissamut isumaqatigiissut immikkut nunanut allanut, illersornissamut aamma sillimaniarnermi pissutsinut tunngasutigut pissutsinut tunngasuuvoq, Kalaallit Nunaanniit uranimik piiaanermut avammullu niueruteqarnermut atatillugu,

- atomip nukinganit atortussiat pillugit sillimaniarnermut atasumik nakkutilliinermut atatillugu ataatsimoorussamik oqaaseqaat,

- ataatsimoorussamik oqaaseqaat avammut niuerutigisat nioqqutissiat aamma teknologiip nakkutigineqarnissaat pillugit, taakkua inuinnaat aammalu sakkutooqarnikkut atorneqarsinnaanerat eqqarsaatigalugu (dual-use), aamma

- Kalaallit Nunaata atom-ip nukinganut tunngasutigut sillimaniarnikkut isumagisassai aatsitassarsiornermut atatillugu isumaqatigiissut.

Danskit naalakkersuisui isumaqatigiissutaasut ataatsimoortut aallaavigalugit Folketingimut inatsisissatut siunnersuuteqarniarput, sillimaniarnikkut nakkutilliineq atomip nukinganit atortussiat aamma nioqqutissiat avammut niuerutigineqarneranni nakkutilliineq pillugit, inuinnaat aamma sakkutooqarnikkut atorneqarsinnaasut pillugit, 2016-ip ukiaani. Ileqquusullu atuuttut naapertorlugit inatsisissatut siunnersuutit taakkua nunatsinni Inatsisartut 2016-imi ukiakkut ataatsimiinneranni saqqummiunneqassapput isummer-figineqarsinnaaqqullugit danskit folketingianni inaarutaasumik suliarineqannginneranni.

 

Link-it ukununnga:

 

Danskit naalakkersuisuisa aamma Kalaallit Nunaanni Naalakkersuisut akornanni suleqatigiinnissamut isumaqatigiissut, nunanut allanut, illersornissamut aam-ma sillimaniarnikkut politikkimut tunngasutigut, uranimik aamma akuutissanik radioaktiviusunik allanik piaanermi aamma niueruteqarnernut tunngatillugu.

Nunanut allanut danskit ministeriaqarfiata aamma Inuussutissarsiornermut, Suliffeqarnermut Niuernermullu Naalakkersuisoqarfiup akornanni ataatsi-moorussamik oqaaseqaat, atom-ip nukinganit atortussiassanut atatillugu sillimaniarnikkut aaqqissuussinissat pillugit.

Ataatsimoorussamik oqaaseqaat danskit Inuussutissarsiornermut Ineriartor-titsinermullu ministeriaqarfiata - Erhvervs- og Vækstministeriet/Erhvervs-styrelsen-ip - aamma Inuussutissarsiornermut, Suliffeqarnermut Niuernermullu Naalakkersuisoqarfiup akornanni avammut niuerutigisanik nakkutilliineq nioqqutissianik "dual-use produkter" aamma teknologimut tunngatillugu.

Danskit Peqqissutsimut Utoqqarnullu ministeriaqarfiata - Sundheds- og Ældreministeriet - aamma Inuussutissarsiornermut, Suliffeqarnermut Niuernermullu Naalakkersuisoqarfiup aamma Aningaasaqarnermut Aatsitassarsiornermullu Naalakkersuisoqarfiup aqutsinermut inatsimmi § 4 naapertorlugu atomip nukinganit atortussianut tunngasutigut akisussaaffiit ilaat pillugit sillimaniarneq tamatumunngalu ilanngussaq pillugu isumaqatigiissutaat.

 

Annerusumik oqaaseqartitsiniaraanni, attavissaq Inuussutissarsiornermut, Suliffeqarnermut Niuermullu Naalakkersuisup allattaa Helene S. Pedersen telefon: 34 56 06