Suliffissanut, Ilitsersuisarnernut Pikkorissaqqinnernullu qitiusumik ingerlatsiviit pillugit Seminareqarneq

Inuussutissarsiornermut, Suliffeqarnermut Niuernermullu Naalakkersuisoq Vittus Qujaukitsoq Kommuneni inuussutissarsiutinut Suliffeqarnermullu ataatsimiititaliani siulittaasunut/siulittaasut tulliinut, suliffissarsiuussisarfinni sulisunut, Piareersarfinni sulisunut aamma Namminersorlutik oqartussani atorfilittanut Suliffissanut, Ilitsersuisarnernut Pikkorissaaqqittarnernullu qitiusumik ingerlatsiviit pillugit Kangerlussuarmi ulluni 5.-7. Februar 2016imi seminareqartitsissaaq.

Suliffissanut, Ilitsersuisarnernut Pikkorissaaqqittarnernullu qitiusumik ingerlatsiviit pillugit inatsit 2016imi januaarip 1.-ni atuutilerpoq, tamatumani suliffissarsiuussisarfinni assigiiaartumik eqaattumillu suleriaaseqartoqalernissaa siunertarineqarpoq. Inatsillu atuutilersoq Naalakkersuisut suliffissaqartitsiniarnermut periusissiaanni "suliffeqarneq toqqissisimanartoq 2015"-imi qitiulluinnarpoq.

Seminarimut peqataasut Suliffissanut, Ilitsersuisarnernut Pikkorissaaqqittarnernullu inatsit atuutilersoq pillugu saqqummiussiffigineqassapput, tamannami Piareersarfiit aamma suliffissarsiuussisarfiit ataatsimoortinneqalernissaanik aamma kinguneqartussaammat. Kommuneni Piareersarfinni centerlederit, suliffissarsiuussisarfinni pisortat aamma fagchefit qitiusumik ingerlatsivinni suleriaatsinik paasitinneqassapput, aaqqissuussaaneq, ingerlaavartumillu sulinissaq pillugu aamma qitiusumik ingerlatsivinni suliassat kiisalu piginnaasaqarfigisassaat pillugit paasitinneqassallutik.

Aallarnisaalluni seminareqartitsineq pillugu tusagassiuutinut nalunaarut

Ullunut pingasunut pilersaarut aamma saqqummiussat eqikkaanerillu imaapput:

Pilersaarut

Tallimanngorneq februaarip 5.at

Peqataasut: Ataatsimiititaliani siulittaasut/siulittaasumut tullersortit, pisortat/immikkoortortami pisortat, Fagchefit Namminersorlutillu Oqartussani atorfilittat

  1. Inuussutissarsiornermut, Suliffeqarnermut Niuernermullu Naalakkersuisup Vittus Qujaukitsup tikilluaqqusilluni oqalugiaataa
  2. Suliffissanut, Ilitsersuisarnernut Pikkorissaaqqittarnernullu inatsisip kommuninut sunniutai pillugit saqqummiussineq - Imaqarniliaq naatsoq oqallinnermit
  3. Piareersarfiit Suliffissarsiuussisarfiillu ataatsimoortinneqarnerat, sakkussat aamma sulianut periusissat
  4. Aaqqissuussaaneq, ingerlaavartumillu suliassat, atuarfiit aamma isumaginnittoqarfiup suleqatigiinnerat -Imaqarniliaq naatsoq oqallinnermit
  5. Qitiusumik ingerlatsiviit suliassaat piginnaasaqarfissaallu 
  6. Inuussutissarsiornermut, Suliffeqarnermut Niuernermullu Naalakkersuisup Vittus Qujaukitsup naggataarutaasumik oqaaseqarnera

Arfininngorneq februaarip 6.-at

Peqataasut: Piareersarfinni pisortat, AMK-im pisortat aamma immikkut ittumik pisortat

  1. Inuussutissarsiornermut, Suliffeqarnermut Niuernermullu Naalakkersuisup Vittus Qujaukitsup tikilluaqqusilluni oqalugiaataa
  2. Suliffissanut, Ilitsersuisarnernut Pikkorissaaqqittarnernullu inatsisip kommuninut sunniutai pillugit saqqummiussineq
  3. Piareersarfiit Suliffissarsiuussisarfiillu ataatsimoortinneqarnerat, sakkussat aamma sulianut periusissat
  4. Aaqqissuussaaneq, ingerlaavartumillu suliassat, atuarfiit aamma isumaginnittoqarfiup suleqatigiinnerat
  5. Qitiusumik ingerlatsiviit suliassaat piginnaasaqarfissaallu
  6. Cefeseminareqartitsinissamut saqqummiussat
  • Aaqqissuussaaneq:
  • Suliffissarsiuussisarfiit isumaginninnermullu suliniutit pillugit suleqatigiinneq
  • sulisunik pikkorissaaqqinnerit
  • suleriaatsinik allaaserinninneq
  • Piareersarfinni centerlederit suliassaat aamma piginnaatitaaffii

   7.  Cafeseminareqartitsinermit katersat

   8.   Ullormut eqikkaaneq

Sapaat Februaarip 7.at

Peqataasut: Piareersarfinni centerlederit, AMK-lederit aamma fagchefit Namminersorlutillu Oqartussani atorfilittat

  1. Killiffimmik tiguseqqinneq
  2. Cafeseminareqarnermit saqqummiussat
  3. Inaarutaasumik saqqummiussinerit aamma inerniliinerit