Atuisartoqarnermut Unammilleqatigiinnermullu Aqutsisoqarfik

Niuerfiit ingerlalluartut- ilaatigut innuttaasut suliffeqarfiillu akornanni nukinnik atuilluarnermik pitsaasumillu attaveqatigiinnermik takutitsisuunissaat, Atuisartoqarnermut Unammilleqatigiinnermullu Aqutsisoqarfiup suliniutigaa.

Atuisoqarnermut tunngasuni inatsisit arlallit, ilaatigut atuisartunut inatsit, niuernermi nittarsaassisarnermut, nalunaaqutsersuisarnermut, akinut  atuisunullu maalaaruteqartarfittut ataatsimiititaliamut tunngasut, eqquutsinneqarnissaat Aqutsisoqarfimmit isumagineqarpoq.

Aqutsisoqarfik unammilleqatigiinnermut tunngatillugu suliffeqarfinnik annernik kattunniartunik akuersisartuuvoq, Aqutsisoqarfiup Unammilleqatigiinnermut inatsimmik unioqqutitsisut misissuivigalugillu iliuuseqarfigisarpai, unammilleqatigiinnermilu maleruagassat pillugit suliffeqarfinnik pisortaqarfinnillu ilitsersuisarluni.

Atuisartoqarnermut Unammilleqatigiinnermullu Aqutsisoqarfik Ineqarneq pillugu Maalaaruteqartarfimmut, Isumaginninnermi Naammagittaalliuteqartarfimmut, Atuisartut Pisisartullu Maalaarutaannik Aalajangiisartunut, Unammilleqatigiinnermi Aalajangiisartunut kiisalu Avatangiisit Pinngortitallu Illersorneqarnissaat pillugu Maalaaruteqartarfittut Ataatsimiititalianut allatseqarfiuvoq.

Nalunaarasuartaateqarnermi Aqutsisoqarfik Radionillu Nakkutilliivik Aqutsisoqarfimmi inissisimapput.

Atuisartoqarnermut Unammilleqatigiinnermullu Aqutsisoqarfik pillugu paasissutissat allat Aqutsisoqarfiup nittartagaani: www.aua.gl -imi pissarsiassaapput.