Nunaqarfiit pillugit ataatsimeersuarneq

Najugaqarfinni minnerni ineriartortitsinissaq pillugu ataatsimeersuarneq Ilulissani maajip 23-anniit 25-annut ingerlanneqarpoq.

Kalaallit Nunaanni najugaqarfinnit tamanit peqataasoqassaaq, ataatsimeersuarnermilu ”inuunerinneq” qulequtaralugu oqallittoqartarluni aamma suleqatigiikkuutaarluni oqallittoqartarpoq, siunissami suliniutissat pingaarnersiorneqarlutik.

Ataatsimeersuarnermut pilersaarusiaq naapertorlugu oqallisissiat assigiinngitsut saqqummiunneqartarput, soorlu ’Kalaallit Nunaanni aningaasaqarneq’, ’inoqarfinnut minnerusunut anguniakkat’, ’inuussutissarsiorfik aamma isumalluutit uumassusillit’, ’isumaginninneq, peqqissuseq aamma avatangiiseq’ aamma ’ilinniartitaaneq aamma suliffeqarfik’.

Naalakkersuisut, KANUNUPE aamma KANUKOKA suleqatigiillutik pilersaarusiamik suliaqartuupput.

Ullormut siullermut pilersaarut

Inuussutissarsiornermut Aatsitassanullu Naalakkersuisoq Jens-Erik Kirkegaard ataatsimeersuarnermik ammaanerminut oqalugiaataa

KANUNUPEmi siulittaasup Jens Kristian Therkelsenip tikilluaqqusilluni oqalugiaataa

Aningaasaqarnermut Nunamullu Namminermut Naalakkersuisoq Vittus Qujaukitsoq oqallisissiamik saqqummiussivoq: Kalaallit Nunaata aningaasaqarnera - Pingaarnerutitat

Kåre Hendriksen, ARTEK, Oqallisissiamik saqqummiussivoq: Kalaallit Nunaanni nunaarfiit - Aningaasaqarneq ineriartortitsinerullu savitussusia

Aningaasaqarnermut siunnersuisooqatigiinni siulittaasup tullia Ulla Lynge oqallisissiamik saqqummiussivoq:

Kalaallit Nunaata aningaasaqarnera aamma piujuartitsisumik aningaasaqarnikkut ineriartortitsineq

"Inuunerinneq" Sukaq siulleq: Inoqarfinnut minnerusunut anguniakkat

Inoqarfiit minnerusut aallaavigalugit kommunit sisamaasut kommuniminnut anguniagaat:

  • Kommune Kujallermi Borgmesterip Jørgen Wæver Johansenip saqqummiussaa
  • Kommuneqarfik Sermersuumik Borgmesterip Asii Chemnitz Narupip saqqummiussaa
  • Qaasuitsup Kommuniani Borgmesterip Ole Dorphip saqqummiussaa
  • Qeqqata Kommuniani Borgmesterip Hermann Berthelsenip saqqummiussaa

Nunaqarfinnut killiffiit aamma taakkua anguniagaat. Nunaqarfinni isorliunerusunilu siunissami ineriartortitsinermik oqallinnissamut aallaavissamik pilersitsinissaq. kommunit sisamaasut tamarmik immikkut nunaqarfinni killiffiit taakkualu anguniagaat pillugi nunqarfinniit aallartitat marlukkaarlugit saqqummiisinneqarput.

  • KANUNUKOKAmi siulittaasup Martha Abelsenip saqqummiussaa
  • Kommune Kujallermiit nunaqarfinni aallartitat marluk saqqummiussaat (pigineqanngilaq) 
  • Kommueqarfik Sermersuumiit Boas Boassenimit saqqummiussaq
  • Qeqqata Kommunianit aallartitat marluk saqqummiussaat
  • Qaasuitsup Kommuniata aallartitaasa marluusut saqqummiussaat

Nunaqarfinni sullissineq. Sinaakkutaareersut iluini allaanerusumik pingaarnersiuisoqartariaqarnersoq pillugu naliliinissaq siunertaralugu nunaqarfinni sullissinerup inissisimaffiannik oqallinnissamut tunngavissamik pilersitsinissaq

  • KNIp siunissamut takorluugai. iluarsaassinermut, Pilersuisumi nioqqutaatinut, akitsuutinut, uuliap akiinut allakkanullu tunngatillugu. Peter Grønvold Samuelsen saqqummiussisuuvoq
  • RAL Royal Artic Bygdeservice, nunaqarfinnut sullissinermut tunngavik aamma RALimut anguniakkatut takorluukkat pillugit Aningo Broberg saqqummiussivoq
  • Nukissamik pilersuineq aamma nukissamut ataavartussamut periarfissat, Avatangiisinut Pinngortitamullu Naalakkersuisoqarfimmit Jens- Peter B. Hendriksen saqqummiussivoq

KANUNUPEp siulittaasua Jens Kristian Therkelsen najugaqarfinni mikinerni sullissisoqarnera pillugu saqqummiussaqarpoq.  

Ullormi tassani nunaqarfinnit najugaqarfinniillu mikinernit siunnersuutitalinnik kattulluni oqallinnernit imaqarniliat aamma Naalakkersuisup Vittus Qujaukitsup eqikkaalluni oqaaseqarnera aamma Naalakkersuisup Steen Lyngep eqikkaalluni oqaaseqarnera.

Nukaaraq Eugeniusip ullormut eqikkaanera

Ullut aappaannut pilersaarut

Sukat aappaat: Inuussutissarsiorfik isumalluutillu uumassusillit

Royal Greenlandip nunaqarfinni tunitsiviliorneri aamma ingerlatsinera pillugu Abia Thorsteinsen saqqummiussivoq

Pisarisat nalituninngortinneqarsinnaaneri pillugit Aalisarnermut, Piniarnermut Nunalerinermullu Naalakkersuisoqarfimmi pisortaq Jørgen Isak Olsen saqqummiussivoq.

Inuussutissarsiutinik ineriartortitsinerup piujuartitsisup tapersersorneqartarnera pillugu KANUNUPEmi siulittaasoq Jens Kristian Therkelsen saqqummiussaqarpoq.

Nunaqarfinni namminersuutigalugu suliffeqarfinnik ingerlatsinerit. KNT, Kalaallit nerisassaataannik tunisinermut tunngatillugu Mikael Petersen saqqummiussivoq.

Ilimanami suliniut (takornariartitsineq). Realdania Bygimit Frants Frandsen, ineriartortitsinermut suliniutinut periarfissanik, kommunimik, najugaqarfinneersunit aamma avataaniit suleqatigisanit ilanngussuisumik suliniummik saqqummiussivoq.

Sukat pingajuat: Isumaginninneq, Peqqissuseq aamma Avatangiisit

Nunaqarfinni isorliunerusunilu peqqissuseq isumaginninnermilu unammillerfissat pillugit uku saqqummiussipput

Najugaqarfinni ilisarnaatinik ulluinnarnilu sulinermi kommunip paasissutissanik taakkuninnga atuisarneranik Kommuneqarfik Sermersuumit Avijâja Absalonsen saqqummiussivoq.

Sullissiviit aamma inissiat pillugit Ineqarnermut Naalakkersuisoq Siverth K. Heilmann saqqummiussivoq.   

Ullormit nunaqarfinnit najugaqarfinnillu mikinernit siunnersuutitalinnik kattulluni oqallinnernit imaqarniliat, Naalakkersuisup Finn Karlsenip eqikkaalluni oqaaseqarneranik, Naalakkersuisup Jens- Erik Kirkegaardip eqikkaalluni oqaaseqarneranik, Naalakkersuisup Steen Lyngep eqikkaalluni oqaaseqarneranik aamma Naalakkersuisup Siverth K. Heilmannip eqikkaalluni oqaaseqarneranik imallit.

Nukaaraq Eugeniusip ullormut eqikkaanera

Ullut pingajuat

Sukat sisamaat: Ilinniartitaaneq aamma suliffeqarfik

Suliffeqartitsinermut 2014-imiit 2017-imut periusissiaq aamma immikkut ittumik iluarsaassillunilu sanaartornermut iliuuserisaq pillugu Inuussutissarsiornermut Aatsitassanullu Naalakkersuisoq Jens-Erik Kirkegaard saqqummiussivoq.

Najugaqarfinni mikinerusuni suliffissaaleqineq pillugu KANUNUPEmi siulittaasoq Jens Kristian Therkelsen oqallisissiamik saqqummiussivoq.

Nunaqarfinni ilinniagaqarnermut unammillerfissat pillugit Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoq Nick Nielsen saqqummiussivoq.

Nunaqarfinni meeqqanut inuusuttunullu siunissaq, NUIKImik suliniuteqartut Jimmy Hymøllerip Palle Lennertillu nunaqarfinni ilinniagaqarnermut iluatsilluartumik assersuummik saqqummiussipput.

Ullormit nunaqarfinnit najugaqarfinnillu mikinernit siunnersuutitalinnik kattulluni oqallinnernit imaqarniliat, Naalakkersuisup Jens-Erik Kirkegaardip eqikkaalluni oqaaseqarneranik aamma Naalakkersuisup Nick Nielsenip eqikkaalluni oqaaseqarneranik imaqartut.

Suleqatigiikkuutaat sukani ataasiakkaani siunissamut iliuuserisassatut pingaarnersiuillutik saqqummiussaat.

Nukaaraq Eugeniusip ullormut imaqarniliaa

Naalakkersuisup Siverth K. Heilmannip ataatsimeersuarnermi apeqqutigineqartunut misissuereernermini akissutai