Hudsonip ilinniartitaanermut kontoa

Hudson Greenland A/S-ilu isumaqatigiissutaasut naapertorlugit Hudson ilinniartitaanermut kontomik pilersitsisussaavoq. IBAmi aalajangersakkami 10.3 imatut allaqqasoqarpoq:

 

“Pisinnaatitsissummik pigisaqartoq ilinniartitaanermut aningaasaateqarfinnut 2016-imi aamma 2017-imi ukiut tamaasa 100.000 koruuninik kiisalu 2018-imiit aatsitassarsiorfiup matunissaata tungaanut ukiut tamaasa 300.000 koruuninik immikkoortitsisassaaq”

Kontomut siunertaavoq, aatsitassarsiorfimmik ingerlatsinermut tunngatillugu, ilanngullugit ingeniøritut sulinerup, allaffissornerup, aningaasaqarnerup, peqqinnissap, isumannaallisaanerup kiisalu avatangiisit peqqinnissallu il. il. iluanni suliassaqarfiit assingusut, sulisussanut ilinniagaqarsimasunut aamma ilinniagaqarsimanngitsunut suliffissanut periarfissat pitsaanerulersinneqarnissaat.

Hudson Greenland A/S 2017-imi oktoberimi ilisimatitsivoq aningaasaliissutit ilinniartitaanermut kontomut ikineqartut, taamaasilluni kalaallinut aatsitassarsiornermi piiaavinnilu suliffissuarni ilinniartitaanikkut suliniutissanut qinnuteqarnissat ammarneqasssasut.

IBAmik Isumaqatigiissuteqartut (Hudson Greenland A/S, Qeqqata Kommunia aamma Naalakkersuitsut) isumaqatigiissutigineqartut najoqqutaralugit periusissamik piumasaqaatinillu aalajangiipput, kontomut aningaasaliissutinik qanutut qinnuteqarnerit aamma qinnuteqartut naapertorlugit qanoq aningaasat agguaanneqassanersut.

Qinnuteqarnermi piumasaqaatit

Aningaasanik qinnuteqarnermi allakkiaq ukuninnga imaqassaaq:

  1. Qinnuteqartut Kalaallit Nunaanni innuttaassuseqarneranik takussutissat, isumaqatigiittut tamarmik isumasiuutaat naapertorlugu (IBAmi qupp. 71 takuuk) imaluunniit qinnuteqartup Kalaallit Nunaanni ilinniarfik Kalaallit Nunaanni oqartussanit akuerisaasoq sinnerlugu qinnuteqartuussasoq
  2. Ilinniarnermi suliniummut aningaasaliiffigisassamut paasissutissat takussutissiissapput qanoq Kalaallit Nunaanni aatsitassarsiornermi ingerlatsinikkut ineriartortitsinermut iluaqutaassanersut.
  3. Suliniummut paasissutissat, Kangerlussuup eqqaani Hudson Greenlandip Anorthositmik piiaaviata ineriartorneranut aamma ingerlanneqarneranut qanoq tapersiisinnaanersoq
  4.  Ilinniarnermi suliniummut imaluunniit ilinniarnermi pilersitsiniarnermut Qeqqata Kommuniani innuttaasut qanoq ilanngunneqassaneranik paasissutissanik.
  5. Ilanngunneqassapput missingersuutit erseqqissumik immikkoortiterneqartut, suliniummi aningaasartuutissat ataasiakkaat nassuiarneqassapput, aamma piffissalersuutitut pilersaarut suliniutip ingerlanneqarnissaani aningaasartuutit qaqugukkut atorneqassanersut erseqqissarneqarlutik.
  6. Aningaasaliisut allat tamaasa ilanngullugit allattorneqassapput, soorlu aningaasaateqarfinnit tapiissutinik pissarsisimagaanni.
  7. Qinnuteqaammi allanneqassaaq “ Hudson Greenland A/S-ip ilinniartitaanermut kontoanut aningaasaliissutinik qinnuteqaat”
  8. Kontonormu paasissutissiissutigineqassaaq aamma Kalaallit Nunaanni aningaaserivik .
  9. Kalaallisut imaluunniit qallunaatut tunniunneqassaaq

Qinnuteqarnissamut killigititaq allalu

  1. Qinnuteqarnissamut killigititaq  15. oktober
  2. Qinnuteqaatinut akissutit ukiut tamaasa decemberip 15-iata aamma 31.-ata akornanni tunniunneqartassapput.
  3. Qinnuteqaatit imatut nalunaaqqutserneqassapput ”Hudson Greenland A/Sip ilinniartitaanermut kontoanut aningaasaliissutinik qinnuteqaat”

 

 

Qinnuteqaat uunga nassiunneqassaaq:

 

Inuussutissarsiornermut Nukissiuuteqarnermullu Naalakkersuisoqarfik

Uunga:  ”Hudson Greenland A/Sip ilinniartitaanermut kontoanut aningaasaliissutinik qinnuteqaat”

Imaneq 1A 301 
Postboks 1601 
3900 Nuuk

Isiin@nanoq.gl