Sikkerhed til søs

AjunngiLars aamma KakkaLine

Namminersorlutik Oqartussat immakkut angallanneq pillugu paasititsiniaanernik ukiut tamaasa ingerlatsisarput. Titartagaq “AjunngiLars” immakkut angallannermi sianiginissamik oqariartuuteqartoq KNR -TV-mi filmertarfinnilu ukioq manna takutinneqartarpoq. Immakkut angallannermi mianersuaalliunnginnissamik oqariartuut Instagramimi aamma www.youtube.com-imi siammarterneqarpoq. Facebookimik atuisut paasititsiniut AjunngiLars malinnaavigisimavaat, takuneqarsinnaavoq malinnaasut 4.063-it qupperneq www.facebook.com/AjunngiLars/ ”Like”-ersimagaat.

Qupperneq www.imaani.gl atorlugu titartakkat arfineq- pingasut inuusuttunut tulluussakkat saqqummersinneqarput. Taakkunannga marluk unammisitsinernik imaqarlutik.

Peerariit asannittut AjunngiLars aamma KakkaLine umiatsiaaqqamik angalaarput, aallarnerillu tamaasa ajutoornernik ulorianarsinnaasunik pisoqartarpoq. Ajutoornerilli atortunik pitsaasunik pissamaateqannginnerup kinguneranik pisarput.  AjunngiLarsip immakkut angalanerminik pitsaasunik atortoqannginnera KakkaLinep peqataaffigerusunngilaa.

Peerariit immakkut angalanerisa qanoq inerneqarneri videoliani quppernermi uani www. imaani.gl takusinnaavat. Videot ilaatigut paasissutissanik sillimaniarnermut tunngasunik imaqarput.

Paasititsiniaanermi atorneqartoq ”AjunngiLars” issittormiut ataatsimeersuarneranni nunanit arlaqartunit aallartitaqarluni peqataaffigineqartumi ”Arctic Circle”-imi Reykjavikkimi, Islandimi oktobarimi ingerlanneqartumi ilaatigut takutinneqarpoq.

Ineqarnermut, Sanaartornermut Attaveqaqatigiinnermullu Naalakkersuisup Knud Kristiansenip isumasioqatigiinnermi peqataasinnaannginnami oqalugiaanni immiunneqareersimasoq isumasioqatigiinnermi skærmikkut angisuukkut takutinneqartussanngorlugu nassiuppaa.

Naalakkersuisup Knud Kristiansenip oqalugiaataa una toorlugu atuarsinnaavat

Naalakkersuisup oqalugiaataa isiginnaarsinnaavat:

Namminersorlutik Oqartussat paasititsiniutaat allat linkimi una iserfigalugu atuarsinnaavatit

http://www.imaani.gl/kl-GL/Kampagner