Ineqarnermut Illuuteqarnermullu immikkoortortaqarfik

Immikkoortortaqarfimmi ineqarnermi suliassaqarfimmi tamarmiusumi, sillimmasiisarnermi aammalu Namminersorlutik Oqartussat illuutaannik pisisarnermi tunisisarnermilu periusissat pingaarnerit isumagineqartarput.
Aammattaaq Namminersorlutik Oqartussat sinnerlugit nammineerluni inissiaatillit peqatigiiffiini, piginneqatigiilluni inissiaatini il.il. piginneqataassutit Immikkoortortamit isumagineqartarput, aammalu pisortat inissiaataanni attartortittakkani Namminersorlutik Oqartussanit nakkutilliinerat isumagisaralugu, ilanngullugu Namminersorlutik Oqartussat inissiaataannut attartortittakkanut kiisalu aserfallatsaaliuinermut, iluarsaassinermut isaterinermullu suliniarnermut tunngatillugu piginnittup soqutigisai.

Taamatuttaaq Namminersorlutik Oqartussat inissiaataat attartortittakkanik aqutsinermut tunngatillugu A/S Inissiaatileqatigiiffik INI-mut oqaloqateqarnerit Immikkoortortami isumagineqarput. Namminersorlutik Oqartussat inissiaataannik attartortittakkanik 6.300-it missaanniittunik ingerlatsineq 1995-imili A/S Inissiaatileqatigiiffimmit INI-mit aqunneqarpoq, tassani Namminersorlutik Oqartussat tamakkiisumik kisimik aktiaateqartuullutik.
Ineqarnermut Illuuteqarnermullu Immikkoortortap akisussaaffii tassaapput:

  • Ineqarnermut suliassaqarfimmi inatsisit tamakkiisut,
  • Naammagittaalliuutit suliassat, Ineqarneq pillugu Maalaaruteqartarfiup suliassaqarfiata avataaniittut,
  • Suliffeqarfinnut tamakkiisumik ilaannaasumilluunniit Namminersorlutik Oqartussanit pigineqartunut tunngatillugu akisussaasuuneq, ilaatigut A/S Inissiaatileqatigiiffik INI,
  • Sillimmasiissutit,
  • Ineqarnermut siunertanut sanaartornissamut taarsigassarsiarititat,
  • Namminersorlutik Oqartussat inissiaataanni iluarsaassisarneq aamma aningaasaleeqqittarneq,
  • Ineqarnermut suliassaqarfimmi nakkutilliineq,
  • Namminersorlutik Oqartussat pigisaannik pisisarneq tunisisarnerlu,
  • Namminersorlutik Oqartussat pigisaannik sillimmasiisarneq.