Inuussutissarsiutinut tapersiisarfik - ESU

Stemningsbillede ESU aalisartunut, piniartunut nunalerisunullu aningaasaqarnikkut ikiorsiisarfiuvoq, pineqartullu tassaasinnaapput inuussutissarsiutit siuarsarniarlugit taarsigassarsiat tapiissutillu.

Inuussutissarsiutit siuarsarniarlugit taarsigassarsiat tassaapput piffissami aalajangersimasumi taarsigassarsiat utertinneqartussaasut, taakkulu ukiumut 4 %-imik ernialersorneqartarput; tapiissutit tunngaviatigut utertinneqartussaanngillat.

ESU marlunnut immikkoortinneqarnikuuvoq: Immikkoortoq siulleq tassaavoq aalisartunut piniartunullu inuussutissarsiummut tapersiisarneq, tassanilu pingaarnertut angallatinut, piniutinut angallatillu isaterneqartarnerinut tapersiissuteqartoqartarpoq. Immikkoortup aappaa tassaavoq nunalerinermik ingerlatalinnut inuussutissarsiummut tapersiisarneq, tassanilu savaasivinnut / uumasuusivinnut, maskiinanik pisinermut, naatsitsiviusartut pitsanngorsarnerinut aamma tunisinermi tapiissutinut tapersiissuteqartoqartarpoq.