3. juni

Naalakkersuisut ulloq 3. juni ataatsimiikkamik makku aalajangerpaat

Satellit atorlugu Kalaallit Nunaata assiliornerata nutaap suliarinissaanut aningaasanik atugassanngortitsinissamut ilassutitut aningaasaliissuteqarnissamut qinnuteqaat
Naalakkersuisut aalajangerput, Inassuteqaatigineqartut Inatsisartut Aningaasaqarnermut Akileraartarnermullu Ataatsimiititaliaannut akuerisassanngorlugit ingerlateqqinneqarnissaat Naalakkersuisut akuersissutigissagaat

Paasissutissat sukumiinerusut Pisortaq Nikolai Sten Christensen Aningaasaqarnermut Nunanilu Avannarlerni suleqatigiinnermut Naalakkersuisoqarfik oqarasuaat 34 50 00 saaffiginnilluni pissarsiarineqarsinnaapput

Inatsisartunut ingerlatitat

Kalaallit Nunaanni imarsiornermut atugassanik ikerasalialiornissamik pisariaqartitsineq pillugu nassuiaat

UPA2019/32 “Aqqusinernik aaqqissuussinernut pilersitsisarnernullu, ilisimalikkanik ataqatigiissaariitigaluni katersuivimmik, kommunillu susassaqarfimmi suliniutaannik ikorfartuisarfimmik aqqusineqarnikkut ingerlatsivimmik pilersitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut” pillugu aappassaaneerneqarneranut akissuteqaat.

Timersortartut nuna sinnerlugu unammisartut sungiusaqatigiinnissaminnut periarfissagissaarnerulernissaat misissoqqullug Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuineri annermik angallannermut akit qaffaseqisut unamminarsinnaaneri immikkut isiginiarneqarput. Naalakkersuisut Timersoqatigiit Kattuffiannut, specialfondinut kiisalu allanut soqutigisaqaqatigiinnut susassaqartunut attaveqaqquneqarput siunertaralugu misissuinermut UPA2020-mit Inatsisartut agguaanneqartussamut, peqataatitsinissaq.