23. maj

Naalakkersuisut ulloq 23. maj ataatsimiikkamik makku aalajangerpaat

Suluppaakkat, qalerallit ammassaallu pillugit nunat sineriallit ataatsimiinnissaannut pisinnaatitsissut
Naalakkersuisut aalajangerput:
  • saqqummiussamut matumunnga tunngatillugu Island-ilu suluppaakkat angisuut pillugit ingerlatsinissamik isumaqatigiissutissamut nutaamut isumaqatiginninniarnissamut Naalakkersuisut pisinnaatitsissummik tunniussissasut,
  • saqqummiussamut matumunnga tunngatillugu Island-imik Savalimmiunillu qalerallit pillugit ingerlatsinissamut isumaqatigiissutissamut nutaamut isumaqatiginninniarnissamut Naalakkersuisut pisinnaatitsissummik tunniussissasut aamma
  • tassunga atatillugu anguniakkanut nassuiarneqarsimasunut naapertuuttumik inuussutissarsiornermullu naammaginartumik inerniliunneqartussaq Aalisarnermut, Piniarnermut Nunalerinermullu Naalakkersuisoqarfiup anguniarsarissagaa kiisalu
  • saqqummiussamut matumunnga tunngatillugu ammassaat pillugit naalagaaffinnik imaanut sinerialinnik ataatsimeeqateqarnissamut Naalakkersuisut pisinnaatitsissummik tunniussissasut.
Paasissutissat sukumiinerusut Pisortaq Jørgen Isak Olsen Aalisarnermut, Piniarnermut Nunalerinermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Arctic Prime Fisheries-imiit Nanoq Seafood-imut saarullinnik agguaasseqqinnermut tunngasoq
Naalakkersuisut aalajangerput:
- Kujataata Tunullu imartaanni saarulliit katillugit 1.500 tonsit agguaateqqinneqassasut Arctic Prime Fisheriesimiit Nanoq Seafoodimut, tassani kilisaat Tasermiut atorneqarluni, imatut agguaateqqinneqassapput:
o Saarulliit 750 tonsit 100 %-mik tulaanneqartussaatitaasut immikkoortumi 404-mit
o Saarulliit 750 tonsit 100 %-mik tulaanneqartussaatitaasut immikkoortumi 415-mit
Paasissutissat sukumiinerusut Pisortaq Jørgen Isak Olsen Aalisarnermut, Piniarnermut Nunalerinermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Upernavimmi qaleralinnik saattuannillu tunisassiorfik
Naalakkersuisut aalajangerput, Polar Seafood Greenland A/S Upernavimmi qaleralinnik saattuanillu tunisassiorfimmik tunitsivimmillu nutaamik pilersitsinissaanut aalisarnermut inatsimmi § 22a naapertorlugu Naalakkersuisut akuersissasut.

Paasissutissat sukumiinerusut Pisortaq Jørgen Isak Olsen Aalisarnermut, Piniarnermut Nunalerinermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput