6. - 7. - 8. september

Naalakkersuisut ulloq 6. – 7. – 8. septembarilu ataatsimiinnerminni una aalajangerpaat

Danskit Kalaallit Nunaanni mittarfiit pillugit suliniummut tunniusimanissaat aamma Kalaallit Nunaat Danmarkilu inuussutissarsiornermi suleqatigiinnerunissaat pillugit Naalakkersusut danskillu naalakkersuisuisa isumaqatigiissutaannut missingersuut eqqartorneqarnera.

Naalakkersuisut immikkut ittumik ataatsimiinnerni sisamanngorneq ulloq 6. september 2018, nal. 16.00, tallimanngorneq 7. september 2018, nal. 14.00 kiisalu arfinngorneq 8. september 2018, nal. 10.00 suliaq eqqartorpaat.

Naalakkersuisut aalajangerput isumaqatigiissutissatut missingersuusiaq, ataatsimiinnermi arfinngorneq ulloq 8. september 2018 saqqummiunneqarsimasoq naapertorlugu, Naalakkersuisut Siulittaasuanit atsiorneqarnissaa akuerineqassasoq.

Aningaasaqarnermut Naalakkersuisoq aammalu Aalisanermut, Piniarnermut, Nunalerinermullu Naalakkersuisoq Naalakkersuisut aalajangiinerat isumaqataaffiginagu imaqarniliamut allatsikkusuppaat.

Paasissutissat sukumiinerusut Pisortaaneq Søren Hald Møller Naalakkersuisut Siulittaasuata Naalakkersuisoqarfiani oqarasuaat 34 50 00 saaffiginnilluni pissarsiarineqarsinnaapput