15. juuni

Naalakkersuisut ulloq 15. juuni ataatsimiikkamik makku aalajangerpaat

Uummannami Namminersorlutik Oqartussat inissiarsuaataannut pilersaarut

Naalakkersuisut aalajangerput:

  • Uummannami immikkoortumut pilersaarut 2016 – Namminersorlutik Oqartussat inissiaataannik iluarsaassineq isaterinerlu – maannatut iluseqarluni akuerineqassasoq, aamma
  • Illuummi B-147-imi inissiat pingasut meeqqat angerlarsimaffiannut illuummik atuisinnaatitaanerup tunniunneqannginnerani tamarmik iluarsaanneqassasut.

Paasisaqarnerorusukkaanni attavigineqassaaq Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfimmi pisortaq Ruth Lindhart oqarasuaat 34 50 00.

Ilulissani Namminersorlutik Oqartussat inissiarsuaataannut pilersaarut

Naalakkersuisut aalajangerput:

  • Ilulissani immikkoortumut pilersaarut 2016 – Namminersorlutik Oqartussat inissiaataannik iluarsaassineq isaterinerlu – maannatut iluseqarluni akuerineqassasoq.

Paasisaqarnerorusukkaanni attavigineqassaaq Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfimmi pisortaq Ruth Lindhart oqarasuaat 34 50 00.

Paamiuni Namminersorlutik Oqartussat inissiarsuaataannut pilersaarut

Naalakkersuisut aalajangerput:

  • Paamiuni immikkoortumut pilersaarut 2016 – Namminersorlutik Oqartussat inissiaataannik iluarsaassineq isaterinerlu – saqqummiunneqartutut iluseqarluni akuerineqassasoq.

Paasisaqarnerorusukkaanni attavigineqassaaq Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfimmi pisortaq Ruth Lindhart oqarasuaat 34 50 00.

2017-imi Tunumi avataasiorluni avaleraasartoortassiissutit qaffaavigineqarneri

Naalakkersuisut aalajangerput:

  • Siusinnerusukkut 2017-imi Tunumi avataasiorluni avaleraasartuunut pisassiissutit qanoq annertussuseqarnissaannut qanorlu agguaataarneqarnissaannut aalajangeereersimanernut sanilliullugu 2017-imut pisassiissutit qanoq annertussuseqarnissaat qanorlu agguataarneqarnissaat allannguuteqarfiussanngitsut.

Hans Enoksen sulinermut atatillugu angalanini pissutigalugu immikkoortup massuma oqaluuserineqarnerata nalaani oqarasuaatikkut aatsaat ataatsimeeqataalerpoq.

Paasisaqarnerorusukkaanni attavigineqassaaq Aalisarnermut Piniarnermullu Naalakkersuisoqarfimmi pisortaq Jørgen Isak Olsen oqarasuaat 34 50 00.

Kontomi pingaarnermi 89.72.12 Inissialiassat taartissanillu inissialiortiterneq, suliassamut nr. 080.30.017 Atorluaanissaq tunngavigalugu inissiat, Sisimiut aningaasaliissutinik atugassanngortitsineq

Naalakkersuisut aalajangerput:

  • inassuteqaatit uku Inatsisartut Aningaasaqarnermut Akileraartarnermullu Ataatsimiititaliaannut akuerisassanngorlugu nassiunneqarnissaat Naalakkersuisut akuerissagaat:
  • kontomi pingaarnermi 89.72.12 Inissialiassat taartissanillu inissialiortiterneq, 2017-imi suliassamut nr. 996.32.124 Inissiat, aningaasaliissutit 11,31 mio. koruuninik ikilisinneqassasut aamma suliassamut nr. 080.30.017 Atorluaanissaq tunngavigalugu inissiat, Sisimiut, aningaasaliissutit 11,31 mio. koruuninik amerlisinneqassasut.”

Sara Olsvig immikkoortup matuma oqaluuserineqarnerani peqataanngilaq.
Doris Jakobsen sulinermut atatillugu angalasussaanini pissutigalugu ataatsimeeqataajunnaarpoq.

Paasisaqarnerorusukkaanni attavigineqassaaq Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfimmi pisortaq Ruth Lindhart oqarasuaat 34 50 00.

Ileqquusumik ataatsimeersuarneq – Greenland Holding A/S

Naalakkersuisut aalajangerput:

  • ingerlatseqatigiiffiup 2016-imut ukiumoortumik nalunaarusiaa akuerineqassasoq,
  • angusanik atugassanngortitsinissamut siulersuisut siunnersuutaat akuerineqassasoq,
  • ingerlatseqatigiiffiup aningaasarsiat pillugit politikkianut siulersuisut inassutigisaat tusaatissatut tiguneqassasoq,
  • siulersuisut aningaasarsiaqartitaaneranni ingerlatseqatigiiffinni namminersorlutik oqartussanit pigineqartuni siulersuisut aningaasarsiaat pillugit Naalakkersuisut aningaasarsianut politikkiata malinneqarnissaa akuersissutigineqassasoq
  • siulersuisunut toqqarneqartussatut siunnersuutigineqartut akuerineqassasut,
  • ingerlatseqatigiiffiup ukiumoortumik 2017-imut nalunaarusiaanik Deloitte kukkunersiuisuunissaanut siulersuisut inassutigisaat akuerineqassasoq,
  • Ingerlatseqatigiiffiit allattoqarfianni immikkoortortaqarfimmi pisortap Lars Balslevip, sinniisuusinnaatitaalluni, ataatsimeersuarnermi piginneqataasutut taasisinnaatitaanera akuerineqassasoq.
  • Nalilersuilluarluni aalajangiisoqartarsinnaanissaa siunertaralugu Naalakkersuisunut isummernissamut tunngavissiat nalinginnaasumik sapinngisamik piffissaq siusinnerpaaq atorlugu tunniunneqartarnissaat kissaatigineqarpoq.

Paasisaqarnerorusukkaanni attavigineqassaaq Naalakkersuisut Siulittaasuata Naalakkersuisoqarfiani pisortaaneq Søren Hald Møller oqarasuaat 34 50 00.

Inuussutissarsiutigalugu aalisartunut nutaanut siusinnerusukkullu aalisartuusimasunut aalisarsinnaanermut akuersissutit pisassiissutillu pillugit Namminersorlutik Oqartussat nalunaarutaannit nr. 8, 8. april 2016-imeersumit (aalisarsinnaanermut akuersissutit pillugit nalunaarut) immikkut akuersissuteqartarnissaq pillugu inassuteqaat

Naalakkersuisut aalajangerput:

  • § 5, imm. 1-imi imaluunniit § 5, imm. 3-mi qinnuteqartunut 2016 sioqqullugu piffissamut killiligaanngitsunut aalisarsinnaanermut akuersissuteqartunut, pisassat amerlanerpaaffilerlugit qinnuteqartumit pigineqarunnaarsimasut qinnuteqartup umiatsiaararsorluni akuersissutinik pigiunnaarnikuusaannik § 8, imm. 2-mit immikkut akuersissuteqartoqarsinnaassasoq.
  • aalisarsinnaanermut akuersissutit pillugit nalunaarummi § 8, imm. 2, nr. 3-mit immikkut akuersissuteqartoqarsinnaassasoq: Qinnuteqartoq Aalisarnermut Piniarnermullu Ilinniarfimmi imarsiornermik ilinniagaqarsimanersoq imaluunniit allatigut assinganik piginnaasaqalersimanersoq”, taamaalilluni qinnuteqartup taakku assinganik piginnaasaqalersimaneranik qinnuteqartup kommuni najugaanit sumiiffimmilu aalisartut piniartullu peqatigiiffiannik paasissutissanik pissarsinikkut akuersissuteqartoqareerneratigut immikkut akuersissuteqartoqarsinnaassalluni.
  • Isummernissamut tunngavissiami matumani inassuteqaatit nr. 1 aamma 2 naapertorlugu immikkut akuerineqarnissaq pillugu qinnuteqartunut qinnuteqarnissamut piffissarititamit aalisarsinnaanermut akuersissutit pillugit nalunaarummi § 13, imm. 3-mit immikkut akuersissuteqartoqarsinnaassasoq.

Paasisaqarnerorusukkaanni attavigineqassaaq Aalisarnermut Piniarnermullu Naalakkersuisoqarfimmi pisortaq Jørgen Isak Olsen oqarasuaat 34 50 00.